नगर : नगर शहरातील सावेडी उपनगरातील सोनानगर चौकात सुरू असलेल्या जुगार अड्ड्यावर पोलिसांनी छापा टाकून कारवाई केली. जुगार खेळणाऱ्या अकरा जणांविरुद्ध पोलिसांनी गुन्हा नोंदवून रोख रक्कम, मोबाइल, वाहने असा १० लाख रुपयांचा मुद्देमाल जप्त केला आहे. शहराचे पोलिस उपअधीक्षक संदीप मिटके यांच्या नेतृत्वाखालील पथकाने रविवारी रात्री ही कारवाई केली. विशाल यशवंत गायकवाड, मनोहर विश्वनाथ कोडम, मनहार गरुडाद्दी बोहूल, संतोष नारायण रापेल्ली, संदीप शामसिंग परदेशी, मनिष दत्तात्रय मिसाळ, शेखर नारायण मिठापेल्ली, भास्कर नागेश आकुबत्तीन, किरण दत्तात्रय बारस्कर यांच्याविरुद्ध तोफखाना पोलिस स्टेशनला गुन्हा नोंदविण्यात आला आहे. सोनानगर भागात अनेक दिवसांपासून पत्त्यांचा हा जुगार अड्डा सुरू होता. या जुगार अड्ड्याबाबत माहिती मिळाल्यानंतर शहर पोलिस उपअधीक्षक मिटके यांनी तोफखाना पोलिस स्टेशनचे सहायक पोलिस निरीक्षक रवींद्र पिंगळे व इतर कर्मचारीबरोबर घेऊन ही कारवाई केली.
जुगार अड्डावर छापा, अकरा जणांना पकडले
नगर शहरातील सावेडी उपनगरातील सोनानगर चौकात सुरू असलेल्या जुगार अड्ड्यावर पोलिसांनी छापा टाकून कारवाई केली...
Maharashtra Times 23 Oct 2018, 4:00 am