लक्ष्मीबाई हजारे स्मृतीनिमित्त
उद्या राळेगणसिद्धीला कार्यक्रम
नगर : ज्येष्ठ समाजसेवक अण्णा हजारे यांच्या मातोश्री लक्ष्मीबाई बाबुराव हजारे यांच्या १६ व्या स्मृतिदिनानिमित्त सोमवारी (१९ नोव्हेबर) राळेगणसिद्धीमध्ये 'आई' या विषयावर 'काव्यांजली' या काव्यमैफलीच्या कार्यक्रमाचे आयोजन करण्यात आले आहे, अशी माहिती संयोजक, उद्योजक सुरेश पठारे यांनी दिली.
हा कार्यक्रम सायंकाळी ७ वाजता नवलभाऊ फिरोदिया सभागृह, हिंद स्वराज ट्रस्ट येथे होणार आहे. यामध्ये राज्यातील नामवंत कवींची काव्यमैफल रंगणार आहे. कवी गणेश मरकड (तहसीलदार, पारनेर), नारायण पुरी (नांदेड), अरुण पवार (बीड), अनंत राऊत (अकोला), अंकुश आरेकर (सोलापूर), भरत दौंडकर (राळेगणसिद्धी) असे नामवंत कवी सहभागी होणार आहेत. सुरेश पठारे, दादा पठारे, डॉ. गणेश पोटे, उपसरपंच लाभेष औटी, सुनील हजारे, डॉ. धनंजय पोटे, शरद मापारी, सुनील मापारी यांनी याचे नियोजन केले आहे. या कार्यक्रमासाठी मोठ्या संख्येने उपस्थित राहावे, असे आवाहन राळेगणसिद्धीच्या सरपंच प्रभावती पठारे यांनी केले आहे.
...............