नगर : ऑनलाइन पद्धतीने फसवणूक करण्याचे प्रकार वाढत असून, टायरची एजन्सी देण्याच्या बहाण्याने कोपरगावमधील तरुणाला सुमारे वीस लाखांना गंडा घालण्यात आला. या प्रकरणी कोपरगाव शहर पोलिस स्टेशनला गुन्हा नोंदविण्यात आला आहे. गेल्या महिनाभरात ऑनलाइन पद्धतीने फसवणुकीचे तीन प्रकार घडले आहेत. आता टायरची एजन्सी देण्याच्या नावाखाली तरुणाची फसवणूक झाली आहे. कोपरगाव येथील आशिष गवळी हा महाविद्यालयात शिक्षण घेत आहे. त्याला ऑनलाइन टायर डिलरशिपची जाहिरात दिसल्यानंतर जाहिरातीच्या वेबसाइटवरील मोबाइल क्रमांकावरून अमोल चव्हाण नावाच्या व्यक्तीशी त्याने संपर्क साधला. चव्हाण याने एमआरएफ कंपनीमधून बोलत असल्याचे सांगून डिलरशिप हवी असल्यास अनामत रक्कम, मालखरेदीसाठी पैसे भरावे लागतील, असे सांगितले. चव्हाण याने दिलेल्या वेगवेगळ्या बँकाच्या खात्यांमध्ये गवळी याने तब्बल १९ लाख ७५ हजार रुपये भरले. त्यानंतर चव्हाण याच्याशी संपर्क होत नव्हता. त्यामुळे फसवणूक झाल्याचे गवळी याच्या लक्षात आले.
तरुणाला वीस लाखांना फसवले
ऑनलाइन पद्धतीने फसवणूक करण्याचे प्रकार वाढत असून, टायरची एजन्सी देण्याच्या बहाण्याने कोपरगावमधील तरुणाला सुमारे वीस लाखांना गंडा घालण्यात आला...
महाराष्ट्र टाइम्स.कॉम 21 Feb 2020, 4:00 am