ahmednagar: नगर येथे भीषण अपघातात ३ ठार, १९ जखमी

नगर: अहमदनगर येथे आज सकाळी दुधाचा टँकर आणि खासगी बस दरम्यान झालेल्या भीषण अपघातात तीन जण जागीच ठार झाले असून १९ जण जखमी झाले आहेत. जखमींपैकी अनेकांची प्रकृती चिंताजनक असून या सर्व जखमींना उपचारासाठी रुग्णालयात दाखल करण्यात आले आहे.

आज सकाळी हा अपघात झाला. ही खासगी बस औरंगाबादहून नगरला येत होती. दुधाचा टँकरही नगरकडेच येत होता. नगर-औरंगाबाद महामार्गावर कांगोणी फाटा येथे पाठिमागून आलेल्या बसने टँकरला जोरदार धडक दिली. या अपघातात बसमधील १९ जण जखमी झाले. त्यातील तिघा जखमींना तातडीने रुग्णालयात दाखल करण्यात आले. मात्र रुग्णालयात पोहोचण्यापूर्वीच त्यांचा मृत्यू झाला. संजय रामकृष्ण सावळे, आकाश सुरेश चंगड आणि कल्पेश गुलाबराव व्यवहारे अशी या तिघा मृतांची नावं आहेत. हे तिघेही बुलडाणा जिल्ह्यातील रहिवासी आहेत.

या अपघातात विठा कडू झाडे, ज्योती हिवराळे, ज्ञानेश निकाळजे, सुरज गलांडे, प्रेम निकाळजे, महेश बुधीवंत, छाया सुरवाळे, भरत सावळे, राजू चंगड, बेबी चंगड, पार्वतीबाई गवते, गोपाळा चंगड, विघेना झाडे, गोपाल चंगड, पद्माकर इंगळे, विजय गव्हाणे, संतोष तुकाराम पुरकर, स्वाती गणेश पाखरे आणि स्वाती महेश पाठारे आदी या अपघातात जखमी झाले असून त्यांच्यावर उपाचार सुरू आहेत. या प्रकरणी पोलिसांनी गुन्हा दाखल केला असून अधिक तपास सुरू आहे.