म. टा. वृत्तसेवा, पाथर्डी
तूर उत्पादक शेतकऱ्यांची तूर खरेदी न करता समितीने व्यापाऱ्यांची तूर खरेदी केली अशी तक्रार तूर उत्पादकांनी तालुका प्रशासनाकडे केल्यानंतर तालुका कृषी उत्पन्न बाजार समितीच्या तिसगाव येथील तूर खरेदी केंद्र्राच्या गाळ्यांना तहसीलदार नामदेव पाटील यांनी सील ठोकले. ही तूर नेमकी कोणाची याची कागदपत्रे सादर करण्याचे आदेश समितीला दिले.
या बाबत अधिक माहिती अशी, बाजार समितीने तिसगाव येथे तूर खरेदी केंद्र सुरू केले असून अनेक शेतकऱ्यांनी या ठिकाणी आपली तूर आणून ती या उपबाजारात जमा केली असली तरीही अद्याप अनेक तूर उत्पादकांची तूर तशीच शिल्लक राहिली आहे. या पैकी काही उत्पादकांनी, आम्ही नंबर लावूनही आमची तूर खरेदी न करता समिती प्रशासनाने व्यापाऱ्यांची तूर खरेदी केल्याची तक्रार तहसीलदारांकडे केली. तूर खरेदीसाठी बारदाना उपलब्ध असतानाही आमची तूर खरेदी न केल्याने आंदोलन करण्याचा पवित्राही या उत्पादकांनी
घेतला होता.
सरकारने शनिवारी राज्यातील सर्वच तूर खरेदी केंद्र्रे बंद केल्यानंतर बाजार समितीने तिसगाव येथीलही तूर खरेदी केंद्र बंद केले असले तरीही शेतकऱ्यांच्या तक्रारींची दखल घेत नामदेव पाटील यांनी समितीचे तूर ठेवलेले सर्वच गाळे सील केले असून समितीने खरेदी केलेली तूर ही व्यापाऱ्यांची आहे की तूर उत्पादक शेतकऱ्यांची या संदर्भातील कागदपत्रे सादर करण्याचे आदेश समिती प्रशासनाला दिले आहेत. समिती प्रशासनानेही ही तूर शेतकऱ्यांची असल्याचे प्रशासनाला सांगत या संदर्भात कागदपत्रे सादर करण्याचे आश्वासन दिले असून सरकारने तूर खरेदी केंद्रे बंद केली असली तरीही त्याला मुदतवाढ मिळेल, या आशेवर सध्याही अनेक शेतकरी आपली तूर घेऊन समितीत ठाण मांडून बसले आहेत.
कोट ः
तूर उत्पादक शेतकऱ्यांनी केलेल्या तक्रारीवरून आपण समितीचे तूर ठेवलेले गाळे तात्पुरत्या स्वरूपात सील केले असून समितीला या संदर्भातील कागदपत्रे सादर करण्याचे आदेश दिले आहेत. कागदपत्रांप्रमाणे तूर असल्यास हे सील काढून टाकले जाईल.
- नामदेव पाटील, तहसीलदार, पाथर्डी
तूर उत्पादक शेतकऱ्यांची तूर खरेदी न करता समितीने व्यापाऱ्यांची तूर खरेदी केली अशी तक्रार तूर उत्पादकांनी तालुका प्रशासनाकडे केल्यानंतर तालुका कृषी उत्पन्न बाजार समितीच्या तिसगाव येथील तूर खरेदी केंद्र्राच्या गाळ्यांना तहसीलदार नामदेव पाटील यांनी सील ठोकले. ही तूर नेमकी कोणाची याची कागदपत्रे सादर करण्याचे आदेश समितीला दिले.
या बाबत अधिक माहिती अशी, बाजार समितीने तिसगाव येथे तूर खरेदी केंद्र सुरू केले असून अनेक शेतकऱ्यांनी या ठिकाणी आपली तूर आणून ती या उपबाजारात जमा केली असली तरीही अद्याप अनेक तूर उत्पादकांची तूर तशीच शिल्लक राहिली आहे. या पैकी काही उत्पादकांनी, आम्ही नंबर लावूनही आमची तूर खरेदी न करता समिती प्रशासनाने व्यापाऱ्यांची तूर खरेदी केल्याची तक्रार तहसीलदारांकडे केली. तूर खरेदीसाठी बारदाना उपलब्ध असतानाही आमची तूर खरेदी न केल्याने आंदोलन करण्याचा पवित्राही या उत्पादकांनी
घेतला होता.
सरकारने शनिवारी राज्यातील सर्वच तूर खरेदी केंद्र्रे बंद केल्यानंतर बाजार समितीने तिसगाव येथीलही तूर खरेदी केंद्र बंद केले असले तरीही शेतकऱ्यांच्या तक्रारींची दखल घेत नामदेव पाटील यांनी समितीचे तूर ठेवलेले सर्वच गाळे सील केले असून समितीने खरेदी केलेली तूर ही व्यापाऱ्यांची आहे की तूर उत्पादक शेतकऱ्यांची या संदर्भातील कागदपत्रे सादर करण्याचे आदेश समिती प्रशासनाला दिले आहेत. समिती प्रशासनानेही ही तूर शेतकऱ्यांची असल्याचे प्रशासनाला सांगत या संदर्भात कागदपत्रे सादर करण्याचे आश्वासन दिले असून सरकारने तूर खरेदी केंद्रे बंद केली असली तरीही त्याला मुदतवाढ मिळेल, या आशेवर सध्याही अनेक शेतकरी आपली तूर घेऊन समितीत ठाण मांडून बसले आहेत.
कोट ः
तूर उत्पादक शेतकऱ्यांनी केलेल्या तक्रारीवरून आपण समितीचे तूर ठेवलेले गाळे तात्पुरत्या स्वरूपात सील केले असून समितीला या संदर्भातील कागदपत्रे सादर करण्याचे आदेश दिले आहेत. कागदपत्रांप्रमाणे तूर असल्यास हे सील काढून टाकले जाईल.
- नामदेव पाटील, तहसीलदार, पाथर्डी