म. टा. वृत्तसेवा, अकोले
दगड व खडी भरलेला ट्रक (डंपर) चालकाचा ताबा सुटून ट्रक ६०० फूट खोल घरंगळत गेला. यात ट्रकखाली सापडून चालकाचा मृत्यू झाला. अकोले तालुक्यातील चिंचवणे शेलद रस्त्यावर सोमवारी सकाळी ११.३० च्या सुमारास हा अपघात झाला.
जयराम इंदुराज डगळे (वय २८) असे अपघातात मरण पावलेल्या ट्रक चालकाचे नाव आहे. याबाबत मिळालेली माहिती अशी, बाळासाहेब आरोटे यांच्या मालकीच्या खाणीतून खडी व डबर मोठ्या लाल रंगाच्या ट्रकमध्ये भरून चालक जयराम डगळे निघाला असताना सोमवारी साडेअकराच्या सुमारास चांचवणे शेलद रस्त्यावर चालकाचा गाडीवरील ताबा सुटला आणि ट्रक डोंगरावरून घरंगळत शेलद-चिंचवणे घाटातून रस्त्यावर आला. त्या वेळी ट्रकखाली सापडून चालक डगळे याचा जागीच मृत्यू झाला तर ट्रकचे चार तुकडे झाले. अपघाताचा आवाज ऐकून आजूबाजूचे लोक मदतीसाठी धावले. ग्रामस्थांनी चालक डगळे याचा मृतदेह घाटातून वर आणला व राजूर ग्रामीण रुग्णालयात शवविच्छेदन करून मृतदेह नातेवाईकांच्या ताब्यात दिला. राजूर पोलिस स्टेशनचे सहायक पोलिस निरीक्षक भरत जाधव यांनी घटनास्थळी भेट देऊन पंचनामा केला. हेड कॉन्स्टेबल पारधी तपास करीत आहेत.
दगड व खडी भरलेला ट्रक (डंपर) चालकाचा ताबा सुटून ट्रक ६०० फूट खोल घरंगळत गेला. यात ट्रकखाली सापडून चालकाचा मृत्यू झाला. अकोले तालुक्यातील चिंचवणे शेलद रस्त्यावर सोमवारी सकाळी ११.३० च्या सुमारास हा अपघात झाला.
जयराम इंदुराज डगळे (वय २८) असे अपघातात मरण पावलेल्या ट्रक चालकाचे नाव आहे. याबाबत मिळालेली माहिती अशी, बाळासाहेब आरोटे यांच्या मालकीच्या खाणीतून खडी व डबर मोठ्या लाल रंगाच्या ट्रकमध्ये भरून चालक जयराम डगळे निघाला असताना सोमवारी साडेअकराच्या सुमारास चांचवणे शेलद रस्त्यावर चालकाचा गाडीवरील ताबा सुटला आणि ट्रक डोंगरावरून घरंगळत शेलद-चिंचवणे घाटातून रस्त्यावर आला. त्या वेळी ट्रकखाली सापडून चालक डगळे याचा जागीच मृत्यू झाला तर ट्रकचे चार तुकडे झाले. अपघाताचा आवाज ऐकून आजूबाजूचे लोक मदतीसाठी धावले. ग्रामस्थांनी चालक डगळे याचा मृतदेह घाटातून वर आणला व राजूर ग्रामीण रुग्णालयात शवविच्छेदन करून मृतदेह नातेवाईकांच्या ताब्यात दिला. राजूर पोलिस स्टेशनचे सहायक पोलिस निरीक्षक भरत जाधव यांनी घटनास्थळी भेट देऊन पंचनामा केला. हेड कॉन्स्टेबल पारधी तपास करीत आहेत.