नगर : सर्जेपुरा व बालिकाश्रम रोड भागात घरात घुसून दोन महिलांचा विनयभंग केल्याच्या घटना घडल्या आहेत. या प्रकरणी तोफखाना पोलिस स्टेशनला वेगवेगळे दोन गुन्हे नोंदविण्यात आले आहेत. मंगळवारी रात्री साडेअकरा वाजण्याच्या सुमारास सर्जेपुरा भागातील एका घरात बलबीर सिंग (पूर्ण नाव माहित नाही) हा घुसला. त्याने घरात एकटे असलेल्या महिलेशी अश्लिल वर्तन केले. महिलेने मदतीसाठी आरडाओरडा केल्यानंतर बलबीर सिंग हा पळून गेला. त्यानंतर महिलेने घडलेला प्रकार नातेवाईकांना सांगितला. महिलेच्या फिर्यादीवरून बलबीर सिंगविरुद्ध तोफखाना पोलिस स्टेशनला विनयभंगाचा गुन्हा नोंदविण्यात आला आहे. दुसरी घटना बालिकाश्रम रोड परिसरात घडली. शुभम जाधव नावाच्या तरुणाने महिलेच्या घरात घुसून तिचा विनयभंग केला. पीडित महिलेच्या तक्रारीवरून शुभम जाधव याच्याविरुद्ध तोफखाना पोलिस स्टेशनला गुन्हा नोंदविला आहे.
घरात घुसून दोन महिलांचा विनयभंग
सर्जेपुरा व बालिकाश्रम रोड भागात घरात घुसून दोन महिलांचा विनयभंग केल्याच्या घटना घडल्या आहेत...
महाराष्ट्र टाइम्स.कॉम 16 Jan 2020, 4:00 am