म. टा. प्रतिनिधी, शिर्डी
अकोले, संगमनेर, कोपरगाव, राहाता, श्रीरामपूर, राहुरी, नेवासे या उत्तर नगर जिल्ह्यातील तालुक्यांत जिल्हा परिषद व पंचायत समितीच्या निवडणुकीसाठी गुरुवारी चुरशीने मतदान झाले. मतदानाच्या आदल्या रात्री आणि मतदानाच्या दिवसभर पैशांचे वाटप आणि त्याच्या जोडीला देशी दारूची बाटली यांचे वाटप सर्वत्र झाले. एका मताला २०० ते ५०० रुपयांपर्यंत पैसे वाटले गेले. नेवासे तालुक्यात दारू पकडून त्यांच्यावर सोनई पोलिस स्टेशनला गुन्हा दाखल करण्यात आला. निवडणुकीतील उधळपट्टीच्या निमित्ताने, मुळा, प्रवरा व गोदावरी या नद्यांच्या खोऱ्यात पैशांचे व दारूचे वाटप झाले. सर्वाधिक चुरस विखे-थोरात यांनी प्रतिष्ठेच्या केलेल्या संगमनेर तालुक्यातील जोर्वे, आश्वी या जिल्हा परिषद गटात पाहायला मिळाली.
यंदाच्या जिल्हा परिषद निवडणुकीत सर्वत्र चुरच पाहायला मिळाली. सकाळी १२ पर्यंत मतदानाचा वेग कमी होता; मात्र, दुपारी ४ वाजेपर्यंत वेग जोरात वाढला. मतदान एकाएकी वाढले कसे, याचा शोध घेतला असता जेथे दारू व पैसे आदल्या रात्रीच पोहोचले अशा गावांतून सकाळीच मतदानासाठी रांग लागली आणि ज्या गावांत उशिरा वाटप झाले तेथे मतदानास लोक उशिरा बाहेर पडले. एका मताला २००, ३०० आणि ५०० असे दर होते. सत्ताधारी भाजपपासून ते काँग्रेस, राष्ट्रवादी काँग्रेस, शिवसेना या पक्ष्यांच्या नेत्यांनी आणि आघाडी करून लढणाऱ्या नेत्यांनी पैशांची मोठी उधळपट्टी केली. एका जिल्हा परिषद गटात २० लाख ते २५ लाख रुपये मतदानासाठी प्रमुख उमेदवार व त्यांच्या नेत्यांनी खर्च केले, अशी चर्चा ऐकायला मिळाली. नेवासे तालुक्यात बेलपिंपळगाव गटातील जवळा गावात रात्री साडेआठपर्यंत मतदान सुरू होते. कोपरगाव तालुक्यातील सुरेगाव गटातील वेळापूर मतदानाचे हेच चित्र पाहायला मिळाले. तालुकानिहाय झालेले सरासरी मतदान ः संगमनेर ६७, कोपरगाव ७०.२२ टक्के, श्रीरामपूर ६७.७९, राहता ६६.४१, नेवासे ७३.१४ टक्के.
चौकट ः
नेत्यांचे मतदान सकाळीच
या निवडणुकीत काँग्रेसचे बाळासाहेब थोरात यांनी जोर्वे, राधाकृष्ण विखे, शालिनी विखे यांनी लोणी बुद्रुक, शंकरराव कोल्हे, आमदार स्नेहलता कोल्हे, बिपीन कोल्हे यांनी यसगावला, मधुकर पिचड, आमदार वैभव पिचड यांनी राजूर येथे, शंकरराव गडाख यांनी सोनई येथे. भानुदास मुरकुटे यांनी श्रीरामपूर तालुक्यात मतदान केले. विखे-थोरात यांनी एकमेकावर केलेल्या आरोप-प्रत्यारोपांमुळे सर्वाधिक चुरस संगमनेर तालुक्यातील आश्वी व जोर्वे गटात पाहायला मिळाली. नेवासे तालुक्यातील सर्वच ७ गटांतही चुरस होती. चंदा गटात राष्ट्रवादी काँग्रेसने शिवसेनेला उघड पाठिंबा दिल्याने तेथे सेना प्रचारात पुढे होती. घुले यांच्या भेंडा व कुकाणा गटात चुरस होती. विखे यांच्या साकुरी, पुणतांबे, वाकडी गटातही निवडणूक चुरशीने झाली.
अकोले, संगमनेर, कोपरगाव, राहाता, श्रीरामपूर, राहुरी, नेवासे या उत्तर नगर जिल्ह्यातील तालुक्यांत जिल्हा परिषद व पंचायत समितीच्या निवडणुकीसाठी गुरुवारी चुरशीने मतदान झाले. मतदानाच्या आदल्या रात्री आणि मतदानाच्या दिवसभर पैशांचे वाटप आणि त्याच्या जोडीला देशी दारूची बाटली यांचे वाटप सर्वत्र झाले. एका मताला २०० ते ५०० रुपयांपर्यंत पैसे वाटले गेले. नेवासे तालुक्यात दारू पकडून त्यांच्यावर सोनई पोलिस स्टेशनला गुन्हा दाखल करण्यात आला. निवडणुकीतील उधळपट्टीच्या निमित्ताने, मुळा, प्रवरा व गोदावरी या नद्यांच्या खोऱ्यात पैशांचे व दारूचे वाटप झाले. सर्वाधिक चुरस विखे-थोरात यांनी प्रतिष्ठेच्या केलेल्या संगमनेर तालुक्यातील जोर्वे, आश्वी या जिल्हा परिषद गटात पाहायला मिळाली.
यंदाच्या जिल्हा परिषद निवडणुकीत सर्वत्र चुरच पाहायला मिळाली. सकाळी १२ पर्यंत मतदानाचा वेग कमी होता; मात्र, दुपारी ४ वाजेपर्यंत वेग जोरात वाढला. मतदान एकाएकी वाढले कसे, याचा शोध घेतला असता जेथे दारू व पैसे आदल्या रात्रीच पोहोचले अशा गावांतून सकाळीच मतदानासाठी रांग लागली आणि ज्या गावांत उशिरा वाटप झाले तेथे मतदानास लोक उशिरा बाहेर पडले. एका मताला २००, ३०० आणि ५०० असे दर होते. सत्ताधारी भाजपपासून ते काँग्रेस, राष्ट्रवादी काँग्रेस, शिवसेना या पक्ष्यांच्या नेत्यांनी आणि आघाडी करून लढणाऱ्या नेत्यांनी पैशांची मोठी उधळपट्टी केली. एका जिल्हा परिषद गटात २० लाख ते २५ लाख रुपये मतदानासाठी प्रमुख उमेदवार व त्यांच्या नेत्यांनी खर्च केले, अशी चर्चा ऐकायला मिळाली. नेवासे तालुक्यात बेलपिंपळगाव गटातील जवळा गावात रात्री साडेआठपर्यंत मतदान सुरू होते. कोपरगाव तालुक्यातील सुरेगाव गटातील वेळापूर मतदानाचे हेच चित्र पाहायला मिळाले. तालुकानिहाय झालेले सरासरी मतदान ः संगमनेर ६७, कोपरगाव ७०.२२ टक्के, श्रीरामपूर ६७.७९, राहता ६६.४१, नेवासे ७३.१४ टक्के.
चौकट ः
नेत्यांचे मतदान सकाळीच
या निवडणुकीत काँग्रेसचे बाळासाहेब थोरात यांनी जोर्वे, राधाकृष्ण विखे, शालिनी विखे यांनी लोणी बुद्रुक, शंकरराव कोल्हे, आमदार स्नेहलता कोल्हे, बिपीन कोल्हे यांनी यसगावला, मधुकर पिचड, आमदार वैभव पिचड यांनी राजूर येथे, शंकरराव गडाख यांनी सोनई येथे. भानुदास मुरकुटे यांनी श्रीरामपूर तालुक्यात मतदान केले. विखे-थोरात यांनी एकमेकावर केलेल्या आरोप-प्रत्यारोपांमुळे सर्वाधिक चुरस संगमनेर तालुक्यातील आश्वी व जोर्वे गटात पाहायला मिळाली. नेवासे तालुक्यातील सर्वच ७ गटांतही चुरस होती. चंदा गटात राष्ट्रवादी काँग्रेसने शिवसेनेला उघड पाठिंबा दिल्याने तेथे सेना प्रचारात पुढे होती. घुले यांच्या भेंडा व कुकाणा गटात चुरस होती. विखे यांच्या साकुरी, पुणतांबे, वाकडी गटातही निवडणूक चुरशीने झाली.