अ‍ॅपशहर

पावसामुळे जिल्ह्यातील १६२ टँकर झाले बंद

१६२ टँकर बंद करण्यात आले असून, पाथर्डी तालुक्यातील सर्वाधिक १२७ टँकर बंद करण्यात झाले आहेत.

Maharashtra Times 25 Jun 2016, 12:14 pm
म. टा. प्रतिनिधी, नगर
महाराष्ट्र टाइम्स.कॉम watar tankar stooped
पावसामुळे जिल्ह्यातील १६२ टँकर झाले बंद


पावसाने जोरदार हजेरी लावल्याने अनेक ठिकाणी नदी, नाल्यांना पूर आले आहेत. त्यामुळे टंचाईकाळात पाणी पुरवठ्यासाठी सुरू करण्यात आलेले टँकरही प्रशासन बंद करण्यास सुरूवात केली आहे. आत्तापर्यंत ठिकठिकाणचे १६२ टँकर बंद करण्यात आले असून, पाथर्डी तालुक्यातील सर्वाधिक १२७ टँकर बंद करण्यात झाले आहेत. आणखी काही टँकर बंद होण्याचा प्रशासनाचा अंदाज आहे.

जिल्ह्यात पाणी टंचाईमुळे ५२० गावे व २ हजार ९८० वाड्यावस्त्यांना ८२३ टँकरने पाणीपुरवठा केला जात होता. या आठवड्यात झालेल्या जोरदार पावसामुळे आता टँकरची संख्या कमी होत आहे. पाथर्डी तालुक्यातील ५७ गावे व ४४२ वाड्यावस्यांना टँकरने पाणीपुरवठा सुरू होता. या तालुक्यात सर्वाधिक १२७ टँकर सुरू होते. गेल्या दोन दिवसांत झालेल्या पावसामुळे येथील सर्व टँकर तहसीलदारांनी बंद केले आहेत. या तालुक्यात आत्तापर्यंत १८५ मिलीमिटर म्हणजे ३४ टक्के पाऊस झाला आहे. करंजी, मिरी या महसूल मंडळात अतिवृष्टी झाल्यामुळे पिण्याच्या पाण्याचा प्रश्न मिटला आहे. शेवगाव नगरपालिकेचे तीन टँकर बंद झाले आहेत. तर नगर तालुक्यातील दोन, शेवगाव तालुक्यातील १५ टँकर, कर्जतचे १४ टँकर बंद झाले झाले आहे. तर जामखेडला एकच टँकर बंद झाला आहे. अजूनही जिल्ह्यात ६६१ टँकर सुरू आहेत. या पावसामुळे विहिरी, तलावातील पाणी पिण्यायोग्य नसते. त्यामुळे सध्या या ठिकाणी टँकर सुरू आहेत.

महत्वाचे लेख

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
ताज्या बातम्यांसह अपडेट राहण्यासाठी लाइक करा Maharashtra Times फेसबुकपेज