युवक काँग्रेसची
सदस्य नोंदणी सुरू
नगर : अखिल भारतीय युवक काँग्रेसचे सदस्य नोंदणी अभियान सुरू करण्यात आले आहे. ते पूर्ण झाल्यावर पक्षाध्यक्ष राहुल गांधी यांच्या 'नेता बनो-नेता चुनो' या अभियानांतर्गत युवक काँग्रेस पक्षांतर्गत निवडणुकाही घेतल्या जाणार आहेत व ऑगस्टमध्ये नव्या पदाधिकाऱ्यांची निवड होणार असल्याची माहिती अखिल भारतीय युवक काँग्रेसचे सरचिटणीस डी. पी. नेगी यांनी येथे दिली.
नेगी यांनी येथे पत्रकार परिषदेत ही माहिती दिली. या वेळी गौरव ढोणे, प्रशांत उगले व अन्य उपस्थित होते. युवक काँग्रेसची सध्याची कार्यकारिणी बरखास्त करण्यात आली आहे व या पार्श्वभूमीवर नव्याने सदस्य नोंदणी आगामी तीन वर्षांसाठी करण्यात येणार आहे. १८ ते ३५ वयोगटातील युवकांसाठी ऑनलाइन व ऑफलाइन नोंदणी होणार आहे. यासाठी अनुक्रमे ७५ रुपये व १२५ रुपये शुल्क घेतले जाणार आहे. सक्रीय सदस्य असणाराने चार प्राथमिक सदस्य करणे आवश्यक असणार आहे. सदस्य नोंदणीनंतर येत्या ऑगस्टमध्ये जिल्हाध्यक्ष, विधानसभा मतदारसंघ अध्यक्ष व प्रदेशाध्यक्ष निवडीसाठी पक्षांतर्गत निवडणुका होणार आहेत, असे या वेळी सांगण्यात आले.
..............