म. टा. प्रतिनिधी, नगर
शाळेच्या व शाळाबाह्य युवक-युवतींच्या कलागुणांना वाव देण्यासाठी सरकारतर्फे आयोजित करण्यात आलेल्या जिल्हास्तरीय युवा महोत्सवामध्ये केवळ ६२ स्पर्धक सहभागी झाले. बहुतांश स्पर्धांमध्ये तर सहभागी होण्यासाठी एकही स्पर्धक मिळाला नाही. त्यामुळे हा महोत्सव केवळ स्पर्धक आणि संयोजकांपुरताच उरल्याचे वातावरण दोन दिवस दिसून आले. महोत्सवाचा गुरुवारी समारोप करण्यात आला.
सावेडी उपनगरातील रावसाहेब पटवर्धन सभागृहात ७ व ८ डिसेंबर रोजी युवा महोत्सवाचे आयोजन करण्यात आले होते. यामध्ये एकूण अठरा स्पर्धा घेण्यात आल्या. त्यापैकी लोकनृत्य स्पर्धेसाठी ३ संघ, लोकगीत २ स्पर्धक, गायन ६, तबला १७, मृदंग १, हार्मोनियम १, गिटार १०, एकांकिका १, भरनाट्यम १०, कथ्थक ४, कुचिपुडी नृत्य १ व वक्तृत्व स्पर्धेसाठी १५ स्पर्धक सहभागी झाले होते. शास्त्रीय गायन, सितार, बासरी, वीणा, मणिपुरी नृत्य, ओडिसी नृत्य अशा स्पर्धांमध्ये सहभागी होण्यासाठी स्पर्धकच आले नाहीत. विविध स्पर्धांसाठी नियुक्त करण्यात आलेले परीक्षक मात्र उपस्थित होते. स्पर्धकच नसल्याने त्यांच्यावरही प्रतीक्षा करण्याची वेळ आली. युवा महोत्सवामध्ये परीक्षक म्हणून सुनंदा कर्पे, डॉ. मच्छिंद्र मालुंजकर, प्रा. शाम शिंदे, संजय लोळगे, सुप्रिया मैड, मंजूषा देशमुख, सुरेखा डावरे, वर्षा पंडित, कल्याण मुरकुटे, प्रकाश शिंदे, पवन नाईक, सुरज शिंदे, हर्षद भावे, गोपीनाथ वर्पे, अनंत दव्रिड, स्मिता राणा, यांनी काम पाहिले. महोत्सव यशस्वीतेसाठी जिल्हा क्रीडा अधिकारी उदय जोशी यांच्या मार्गदर्शनाखाली सहायक क्रीडा अधिकारी दीपाली बोडके यांनी परिश्रम घेतले.
अनेक स्पर्धा प्रकार नगरमध्ये फारसे परिचित नाहीत. काहींचे नियम वेगळे तर काहींना भाषांची बंधने आहेत. सरकारी पातळीवर कार्यक्रम घेताना पुरस्कारांची मर्यादा, नियम व अटी, प्रचार-प्रसाराचा आभाव अशी अनेक कारणे प्रतिसाद कमी मिळण्यामागे असल्याचे युवा संघटनांचे मत आहे.
भाषेमुळे एकांकिकांची पाठ
एकांकिका स्पर्धेसाठी एकच संघ होता. शहरामध्ये होणाऱ्या नटश्रेष्ठ शाहू मोडक आंतर महाविद्यालयीन एकांकिका स्पर्धा, अहमदनगर महाकरंडक या एकांकिका स्पर्धांसाठी नगर जिल्ह्यातून वीस ते तीस संघ येतात. याबाबत आयोजकांना विचारले असता, युवा महोत्सवामध्ये हिंदी व इंग्रजी भाषेत एकांकिका सादर कराव्या लागत असल्यामुळे संघ सहभाग होत नसल्याचे सांगण्यात आले.
शाळेच्या व शाळाबाह्य युवक-युवतींच्या कलागुणांना वाव देण्यासाठी सरकारतर्फे आयोजित करण्यात आलेल्या जिल्हास्तरीय युवा महोत्सवामध्ये केवळ ६२ स्पर्धक सहभागी झाले. बहुतांश स्पर्धांमध्ये तर सहभागी होण्यासाठी एकही स्पर्धक मिळाला नाही. त्यामुळे हा महोत्सव केवळ स्पर्धक आणि संयोजकांपुरताच उरल्याचे वातावरण दोन दिवस दिसून आले. महोत्सवाचा गुरुवारी समारोप करण्यात आला.
सावेडी उपनगरातील रावसाहेब पटवर्धन सभागृहात ७ व ८ डिसेंबर रोजी युवा महोत्सवाचे आयोजन करण्यात आले होते. यामध्ये एकूण अठरा स्पर्धा घेण्यात आल्या. त्यापैकी लोकनृत्य स्पर्धेसाठी ३ संघ, लोकगीत २ स्पर्धक, गायन ६, तबला १७, मृदंग १, हार्मोनियम १, गिटार १०, एकांकिका १, भरनाट्यम १०, कथ्थक ४, कुचिपुडी नृत्य १ व वक्तृत्व स्पर्धेसाठी १५ स्पर्धक सहभागी झाले होते. शास्त्रीय गायन, सितार, बासरी, वीणा, मणिपुरी नृत्य, ओडिसी नृत्य अशा स्पर्धांमध्ये सहभागी होण्यासाठी स्पर्धकच आले नाहीत. विविध स्पर्धांसाठी नियुक्त करण्यात आलेले परीक्षक मात्र उपस्थित होते. स्पर्धकच नसल्याने त्यांच्यावरही प्रतीक्षा करण्याची वेळ आली. युवा महोत्सवामध्ये परीक्षक म्हणून सुनंदा कर्पे, डॉ. मच्छिंद्र मालुंजकर, प्रा. शाम शिंदे, संजय लोळगे, सुप्रिया मैड, मंजूषा देशमुख, सुरेखा डावरे, वर्षा पंडित, कल्याण मुरकुटे, प्रकाश शिंदे, पवन नाईक, सुरज शिंदे, हर्षद भावे, गोपीनाथ वर्पे, अनंत दव्रिड, स्मिता राणा, यांनी काम पाहिले. महोत्सव यशस्वीतेसाठी जिल्हा क्रीडा अधिकारी उदय जोशी यांच्या मार्गदर्शनाखाली सहायक क्रीडा अधिकारी दीपाली बोडके यांनी परिश्रम घेतले.
अनेक स्पर्धा प्रकार नगरमध्ये फारसे परिचित नाहीत. काहींचे नियम वेगळे तर काहींना भाषांची बंधने आहेत. सरकारी पातळीवर कार्यक्रम घेताना पुरस्कारांची मर्यादा, नियम व अटी, प्रचार-प्रसाराचा आभाव अशी अनेक कारणे प्रतिसाद कमी मिळण्यामागे असल्याचे युवा संघटनांचे मत आहे.
भाषेमुळे एकांकिकांची पाठ
एकांकिका स्पर्धेसाठी एकच संघ होता. शहरामध्ये होणाऱ्या नटश्रेष्ठ शाहू मोडक आंतर महाविद्यालयीन एकांकिका स्पर्धा, अहमदनगर महाकरंडक या एकांकिका स्पर्धांसाठी नगर जिल्ह्यातून वीस ते तीस संघ येतात. याबाबत आयोजकांना विचारले असता, युवा महोत्सवामध्ये हिंदी व इंग्रजी भाषेत एकांकिका सादर कराव्या लागत असल्यामुळे संघ सहभाग होत नसल्याचे सांगण्यात आले.