कारवाईसाठी पालकांचे आरोग्यमंत्र्यांना निवेदन
म. टा. वृत्तसेवा, अकोला: उपचारादरम्यान एका आठ महिन्याच्या चिमुकलीला एचआयव्ही संक्रमित रक्त दिल्याची धक्कादायक घटना मूर्तिजापूर येथे घडली. उपचार करणारे डॉक्टर, रक्तपेढी यांच्यावर कारवाई करण्यासाठी मुलीच्या पालकांनी जिल्हाधिकारी यांच्यामार्फत राज्याचे आरोग्यमंत्री यांना निवेदन देऊन कारवाईची मागणी केली. एका चुकीमुळे चिमुकलीचे आयुष्य पणाला लागले आहे.
मूर्तिजापूर तालुक्यातल्या हिरपूर या गावातील आठ महिन्याच्या चिमुकलीला पंधरा दिवसांपूर्वी उपचारासाठी मूर्तिजापूर येथील बालरोगतज्ज्ञ डॉ. अविनाश अवघाते यांच्या दवाखान्यात दाखल केले होते. पांढऱ्या पेशी कमी झाल्यामुळे तिच्यावर उपचार सुरू होते. यावेळी या बालिकेला रक्ताची आवश्यकता असल्याने अकोल्यातील बी. पी. ठाकरे मेमोरियल रक्तपेढीतून रक्त देण्यात आले. दवाखान्यातून सुट्टी झाल्यानंतरही या चिमुकलीची तब्येत सुधारत नसल्याने तिला अमरावती येथे उपचारासाठी हलविण्यात आले. याठिकाणी डॉक्टरांना चिमुकलीला एचआयव्हीची लागण झाल्याचा संशय आला. त्यांनी तिची रक्त चाचणी करण्यास सांगितले.
मात्र चाचणीच्या अहवालाने कुटुंबियांच्या पायाखालची वाळूच सरकली. तिच्या रक्तचाचणी अहवालात 'एचआयव्ही'ची लागण झाल्याचे आढळून आले. यानंतर तिच्या आई-वडिलांची चाचणी करण्यात आली. त्यांची एचआयव्ही चाचणी निगेटीव्ह आली. त्यानंतर केलेल्या तपासात या चिमुकलीला अकोल्याच्या रक्तपेढीतून मिळालेले रक्त 'एचआयव्ही' संक्रमित असल्याचे समोर आले. अवघाते हॉस्पिटलने आपण रक्तपेढीतून आणलेले रक्त चिमुकलीला दिल्याचे सांगत या प्रकरणात हात वर केले. तर रक्तपेढीने हा दुर्दैवी प्रकार 'विंडो पिरियड' या तांत्रिक गोष्टीमुळे झाल्याचे म्हटले आहे. आरोग्य विभागाने आता या प्रकरणाची चौकशी सुरू केली आहे. या प्रकरणी दोषींवर काय कारवाई होणार याकडे लक्ष लागले आहे.
म. टा. वृत्तसेवा, अकोला: उपचारादरम्यान एका आठ महिन्याच्या चिमुकलीला एचआयव्ही संक्रमित रक्त दिल्याची धक्कादायक घटना मूर्तिजापूर येथे घडली. उपचार करणारे डॉक्टर, रक्तपेढी यांच्यावर कारवाई करण्यासाठी मुलीच्या पालकांनी जिल्हाधिकारी यांच्यामार्फत राज्याचे आरोग्यमंत्री यांना निवेदन देऊन कारवाईची मागणी केली. एका चुकीमुळे चिमुकलीचे आयुष्य पणाला लागले आहे.
मूर्तिजापूर तालुक्यातल्या हिरपूर या गावातील आठ महिन्याच्या चिमुकलीला पंधरा दिवसांपूर्वी उपचारासाठी मूर्तिजापूर येथील बालरोगतज्ज्ञ डॉ. अविनाश अवघाते यांच्या दवाखान्यात दाखल केले होते. पांढऱ्या पेशी कमी झाल्यामुळे तिच्यावर उपचार सुरू होते. यावेळी या बालिकेला रक्ताची आवश्यकता असल्याने अकोल्यातील बी. पी. ठाकरे मेमोरियल रक्तपेढीतून रक्त देण्यात आले. दवाखान्यातून सुट्टी झाल्यानंतरही या चिमुकलीची तब्येत सुधारत नसल्याने तिला अमरावती येथे उपचारासाठी हलविण्यात आले. याठिकाणी डॉक्टरांना चिमुकलीला एचआयव्हीची लागण झाल्याचा संशय आला. त्यांनी तिची रक्त चाचणी करण्यास सांगितले.
मात्र चाचणीच्या अहवालाने कुटुंबियांच्या पायाखालची वाळूच सरकली. तिच्या रक्तचाचणी अहवालात 'एचआयव्ही'ची लागण झाल्याचे आढळून आले. यानंतर तिच्या आई-वडिलांची चाचणी करण्यात आली. त्यांची एचआयव्ही चाचणी निगेटीव्ह आली. त्यानंतर केलेल्या तपासात या चिमुकलीला अकोल्याच्या रक्तपेढीतून मिळालेले रक्त 'एचआयव्ही' संक्रमित असल्याचे समोर आले. अवघाते हॉस्पिटलने आपण रक्तपेढीतून आणलेले रक्त चिमुकलीला दिल्याचे सांगत या प्रकरणात हात वर केले. तर रक्तपेढीने हा दुर्दैवी प्रकार 'विंडो पिरियड' या तांत्रिक गोष्टीमुळे झाल्याचे म्हटले आहे. आरोग्य विभागाने आता या प्रकरणाची चौकशी सुरू केली आहे. या प्रकरणी दोषींवर काय कारवाई होणार याकडे लक्ष लागले आहे.