अकोला : करोनाच्या वाढत्या उद्रेकामुळे पुन्हा एकदा राज्य लॉकडाऊन होण्याची वेळ आली आहे. सर्व व्यापार, शाळा आणि दुकानं बंद झाल्यामुळे नागरिकांना आर्थिक संकटाचाही सामना करावा लागत आहे. असं असलं तरी करोनाच्या रुग्णांची साखळी तोडणं महत्त्वाचं आहे. पण विनाकारण रस्त्यावर फिरणाऱ्या नागरिकांमुळे प्रशासनाची चिंता वाढवली आहे. यावर एक उत्तम उपाय म्हणून आता अकोला प्रशासनाने एक अनोखी शक्कल काढली आहे. अकोल्यामध्ये विनाकारण फिरणाऱ्यानों आता सावधान रहा. कारण, विनाकारण घराच्या बाहेर पडाल तर थेट तुमची करोना टेस्ट होणार आहे. अकोला शहरात करोना बाधितांच्या संख्येत मोठ्या प्रमाणात वाढ होतांना पाहायला मिळत आहे. त्याचबरोबर मृत्यू दरही वाढत आहे. यामुळे विनाकारण फिरणाऱ्यांवर पोलीस कडक कारवाई करत त्यांची वाहनेही जप्त करण्यात आली आहे. पण तरीही नागरिक या करोनाच्या परिस्थितीला गांभीर्याने घेतांना पाहायला मिळत नाही.
आता नाकेबंदी दरम्यान, विनाकारण बाहेर फिरणाऱ्या नागरिकांची पोलीस प्रशासनाकडून करोना चाचणी करण्यात येत आहे. आजपासून पोलिसांनी नवीन मोहीम सुरू केली आहे. अकोला शहरात प्रत्येक चौकात आता विनाकारण जे नागरिक फिरतील त्यांची करोना टेस्ट होणार आहे. त्यामुळे तुम्हीही जर घरातून बाहेर पडणार असाल तर आधीच सावध राहा.
खरंतर करोनाचा संसर्ग रोखण्यासाठी प्रत्येक जिल्ह्यात वेगवेगळ्या आयडिया वापरल्या जात आहेत. पण करोनाचा उद्रेक काही कमी होण्याचं नाव घेत नाही आहे. अशात प्रत्येकाने आपल्या आरोग्याची आणि सरकारच्या नियमांची अंमलबजावणी करणं महत्त्वाचं आहे.
आता नाकेबंदी दरम्यान, विनाकारण बाहेर फिरणाऱ्या नागरिकांची पोलीस प्रशासनाकडून करोना चाचणी करण्यात येत आहे. आजपासून पोलिसांनी नवीन मोहीम सुरू केली आहे. अकोला शहरात प्रत्येक चौकात आता विनाकारण जे नागरिक फिरतील त्यांची करोना टेस्ट होणार आहे. त्यामुळे तुम्हीही जर घरातून बाहेर पडणार असाल तर आधीच सावध राहा.
खरंतर करोनाचा संसर्ग रोखण्यासाठी प्रत्येक जिल्ह्यात वेगवेगळ्या आयडिया वापरल्या जात आहेत. पण करोनाचा उद्रेक काही कमी होण्याचं नाव घेत नाही आहे. अशात प्रत्येकाने आपल्या आरोग्याची आणि सरकारच्या नियमांची अंमलबजावणी करणं महत्त्वाचं आहे.