Arjun Khotkar : उद्धव ठाकरेंबद्दल अर्जुन खोतकरांचा गौप्यस्फोट!; म्हणाले, तेलंगणच्या मुख्यमंत्र्यांनी...

अकोला : शिंदे गटातील खासदार अर्जुन खोतकर ( Arjun Khotkar ) यांनी आज उद्धव ठाकरेंच्या ( Uddhav Thackeray ) सरकार काळातील कामाबद्दल नाराजी व्यक्त केली आहे. एका राज्याचा म्हणजेच तेलंगणच्या मुख्यमंत्र्यांना भेटण्यासाठी उद्धव ठाकरे यांना वेळ मागतोय तर त्यांना वेळ नाही भेटायला. पक्षाच्या नेत्यांना भेटण्यासाठी साधा वेळ नव्हता, यासह अनेक गोष्टींबद्दल बोलत खोतकर यांनी खंत व्यक्त केली. खोतकर यांनी विद्यमान मुख्यमंत्री एकनाथ शिंदे यांचं तोंड भरून कौतुक केलं. आता शिंदे साहेबांना भेटण्यासाठी त्यांचे नेहमी सर्व दरवाजे खुले असतात. इथे कधीही या, मुख्यमंत्री भेटताच. म्हणजे त्यांची नक्की भेट होणार, असेही खोतकर म्हणाले.

यासोबत मुख्यमंत्री शिंदे साहेब सध्या १४ ते १५ तासांपेक्षा अधिक काम काम करताहेत. कामामुळे त्यांची झोप होत नाही. आता पक्षातील नेत्यांसह पदाधिकारी व कार्यकर्त्यांनी याबद्दल चिंता व्यक्त केली आहे, आणि मुख्यमंत्री सहेबांनी कमीत कमी पाच तास झोपावे, असा आग्रह आणि ठराव मांडला आहे, असेही अर्जुन खोतकर बोलले. अकोला शहरातील नेहरू पार्क येथे खंडेलवाल भवनमध्ये आज शिंदे गटाचा हिंदूगर्जना मेळावा आयोजित करण्यात आला होता. या मेळाव्यात ते बोलत होते. या मेळाव्यात शिंदे गटातील राज्याचे रोहयो व फलोत्पादन मंत्री संदिपान भुमरे, आमदार विप्लव बाजोरिया, माजी आमदार गोपीकिशन बाजोरिया, अर्जुन खोतकर, जिल्हा प्रमुख आश्विन नवले यांच्यासह शिंदे गटातील अनेक पदाधिकारी कार्यकर्ते उपस्थित होते.

उद्धव साहेबांना खुर्चीवरुन खेचायचंच, ठाकरे गटातील आमदाराबाबत संदिपान भुमरेंचा दावा

मुख्यमंत्री एकनाथ शिंदे साहेबांना अनेक वेळा विनंती केली. शिंदे साहेब काम कराच पण थोड झोपत चला, असा आग्रह अनेकांनी केला आहे, असं अर्जुन खोतकर म्हणाले. दरम्यान, तत्कालिन मुख्यमंत्री उद्धव ठाकरेंना भेटायची ईच्छा तेलंगणचे मुख्यमंत्र्यांनी के. चंद्रशेखर राव यांनी आपल्याकडे व्यक्त केली होती. मात्र, 'मातोश्री'वरील काही लोकांनी सात दिवस हा निरोपच उद्धव ठाकरेंपर्यंत पोहोचूच दिला नाही, असा गंभीर आरोप अर्जुन खोतकर यांनी केला आहे. अशी परिस्थिती होती. अशा परिस्थितीत आम्ही काय केलं पाहिजे? आणि अशा परिस्थितीतून आम्हाला मार्ग सापडला तो एकनाथ शिंदे यांचा. सामन्यांना परिचित आहे, मुख्यमंत्री शेतकऱ्याचा आणि कष्टकऱ्याचा मुलगा आहे. कष्ट करण्याची क्षमता त्यांच्यात आहेत. १८ ते २० तास ते काम करत आहेत, असं अर्जुन खोतकर म्हणाले.

काँग्रेस फुटण्याची चर्चा सुरु असतानाच नाना पटोलेंचा मोठा गौप्यस्फोट; भाजपबाबत केला नवा दावा