म. टा. वृत्तसेवा, अकोला
अकोला जिल्हा परिषदेत सत्ता असलेल्या वंचित बहुजन आघाडीने कोव्हिड रुग्णालय उभारून ग्रामीण जनतेला दिलासा दिला. याच धर्तीवर भाजप, काँग्रेस, राष्ट्रवादी, शिवसेनेने करोना रुग्णांसाठी पक्षीय पातळीवर सोयी उभारण्याची मागणी जोर धरू लागली आहे.
संपूर्ण महाराष्ट्राप्रमाणेच अकोल्यातही करोनाचा संसर्ग वाढला आहे. रोज रुग्णसंख्येचे आकडे वाढत आहेत. रुग्णालयांमध्ये रुग्णांसाठी बेड शिल्लक नाहीत. ऑक्सिनज, औषधांचा तुटवडा आहे. सर्वोपचार रुग्णालयात अपुऱ्या मनुष्यबळामुळे व्हेटिलेटर पडून आहेत. प्रशासन अहोरात्र राबून करोना रुग्णांसाठी सोयी उपलब्ध करीत आहेत. सध्या अकोला जिल्हा परिषदेत वंचित बहुजन आघाडीची सत्ता आहे. या सत्तेचा उपयोग करीत ही परिस्थिती बदलण्यासाठी अॅड. प्रकाश आंबेडकर यांनी सोयींसाठी पुढाकार घेतला. अकोल्यात ६० खाटांचे सर्व सोयींनी युक्त कोव्हिड रुग्णालय अल्पावधीत उभारले. सिव्हिल लाइन्स चौकातील जिल्हा परिषद कर्मचारी भवनात या सुसज्ज रुग्णालयाची निर्मिती केली गेली. एक-दोन दिवसांत रुग्णसेवेत रुजूसुद्धा होणार आहे. त्यासाठी लागणारे मनुष्यबळसुद्धा जिल्हा परिषदेच्या माध्यमातून उपलब्ध केल्या गेले.
सध्या जिल्ह्यात सहा हजाराच्या आसपास सक्रिय रुग्ण आहेत. त्यांच्यासाठी जागा उपलब्ध नाही. अशावेळी वंचितप्रमाणेच भाजप, काँग्रेस, राष्ट्रवादी, शिवसनेनेसुद्धा एक एक सेंटर उभारायला हवे होते, असा सूर उमटत आहे. अकोला महानगरपालिकेत भाजपची एकहाती सत्ता आहे. मनपाच्या शाळा व सभागृह सध्या बंद स्थितीत आहेत. यातील कुठेही कोव्हिड सेंटर सहज उभारले जाऊ शकते. मनपाप्रमाणेच नगरपालिका, पंचायत समित्यांमध्येही भाजपचे वर्चस्व आहे. हीच परिस्थिती काँग्रेस-राष्ट्रवादी काँग्रेसचीही आहे. काँग्रेसजवळ तर शहराच्या मध्यवर्ती भागात स्वराज्य भवनसारखी प्रशस्त जागा आहे. यातील कुठेही कोव्हिड सेंटरची निर्मिती केली जाऊ शकते. राजकारण न करता करोनाबाधितांसाठी सर्वपक्षीयांनी एकत्र येण्याची गरजही यानिमित्ताने व्यक्त होत आहे.
अकोला जिल्हा परिषदेत सत्ता असलेल्या वंचित बहुजन आघाडीने कोव्हिड रुग्णालय उभारून ग्रामीण जनतेला दिलासा दिला. याच धर्तीवर भाजप, काँग्रेस, राष्ट्रवादी, शिवसेनेने करोना रुग्णांसाठी पक्षीय पातळीवर सोयी उभारण्याची मागणी जोर धरू लागली आहे.
संपूर्ण महाराष्ट्राप्रमाणेच अकोल्यातही करोनाचा संसर्ग वाढला आहे. रोज रुग्णसंख्येचे आकडे वाढत आहेत. रुग्णालयांमध्ये रुग्णांसाठी बेड शिल्लक नाहीत. ऑक्सिनज, औषधांचा तुटवडा आहे. सर्वोपचार रुग्णालयात अपुऱ्या मनुष्यबळामुळे व्हेटिलेटर पडून आहेत. प्रशासन अहोरात्र राबून करोना रुग्णांसाठी सोयी उपलब्ध करीत आहेत. सध्या अकोला जिल्हा परिषदेत वंचित बहुजन आघाडीची सत्ता आहे. या सत्तेचा उपयोग करीत ही परिस्थिती बदलण्यासाठी अॅड. प्रकाश आंबेडकर यांनी सोयींसाठी पुढाकार घेतला. अकोल्यात ६० खाटांचे सर्व सोयींनी युक्त कोव्हिड रुग्णालय अल्पावधीत उभारले. सिव्हिल लाइन्स चौकातील जिल्हा परिषद कर्मचारी भवनात या सुसज्ज रुग्णालयाची निर्मिती केली गेली. एक-दोन दिवसांत रुग्णसेवेत रुजूसुद्धा होणार आहे. त्यासाठी लागणारे मनुष्यबळसुद्धा जिल्हा परिषदेच्या माध्यमातून उपलब्ध केल्या गेले.
सध्या जिल्ह्यात सहा हजाराच्या आसपास सक्रिय रुग्ण आहेत. त्यांच्यासाठी जागा उपलब्ध नाही. अशावेळी वंचितप्रमाणेच भाजप, काँग्रेस, राष्ट्रवादी, शिवसनेनेसुद्धा एक एक सेंटर उभारायला हवे होते, असा सूर उमटत आहे. अकोला महानगरपालिकेत भाजपची एकहाती सत्ता आहे. मनपाच्या शाळा व सभागृह सध्या बंद स्थितीत आहेत. यातील कुठेही कोव्हिड सेंटर सहज उभारले जाऊ शकते. मनपाप्रमाणेच नगरपालिका, पंचायत समित्यांमध्येही भाजपचे वर्चस्व आहे. हीच परिस्थिती काँग्रेस-राष्ट्रवादी काँग्रेसचीही आहे. काँग्रेसजवळ तर शहराच्या मध्यवर्ती भागात स्वराज्य भवनसारखी प्रशस्त जागा आहे. यातील कुठेही कोव्हिड सेंटरची निर्मिती केली जाऊ शकते. राजकारण न करता करोनाबाधितांसाठी सर्वपक्षीयांनी एकत्र येण्याची गरजही यानिमित्ताने व्यक्त होत आहे.