धक्कादायक! अल्पवयीन मुलांचे अश्लील व्हिडिओ व्हायरल, सुनसान स्थळी नेलं आणि...

अमरावती : अमरावती जिल्ह्यात दिवसेंदिवस विचित्र घट घडत असल्याचे समोर येत आहे. अशीच एक जिल्ह्याला हादरवणारी घटना समोर आली आहे. तिवसा इथे राहणाऱ्या तीन युवकांनी परिचित नऊ व अकरा वर्षे वय असलेल्या दोन बालकांचा अश्लील व्हिडिओ तयार केला. इतक्यावरच हे तिघे थांबले नाही तर त्यांनी हा अश्लील व्हिडिओ व्हायरल सुद्धा केला. हा धक्कादायक प्रकार पडित बालकांच्या पालकांना माहीत होताच त्यांनी तिवसा पोलीस ठाणे गाठून तक्रार दिली.

तक्रारीवरून पोलिसांनी तिघांविरुद्ध गुन्हे दाखल करुन नुकतेच तिघांनाही अटक केली आहे. तिवसा येथील रहिवासी तीन युवकांनी परिचित दोन बालकांना आठ दिवसांपूर्वी दुपारी दोन ते अडीच वाजता गावातील एका ठिकाणी नेले. आपण नवीन प्रकारचा व्हिडिओ तयार करू, असे या तिघांनी दोन बालकांना सांगितले. त्या बालकांना अश्लील कृत्य करण्यास सांगितले. त्यानंतर या तिघांनी दोन बालकांचा एकत्रितपणे अश्लील व्हिडिओ तयार केला.

धक्कादायक! भंगाराच्या दुकानात असं काही सापडलं की नागपूर प्रशासन हादरलं, पोलीसही हैराण
इतक्यावरच ते तीन महाभाग थांबले नाही तर त्यांनी तो अश्लील व्हिडिओ व्हायरल केला. ही बाब पडित मुलांनी पालकांना भीतीपोटी सांगितली नाही. शनिवारी दुपारी दोन पीडित बालकांपैकी एका पालकाला तो व्हिडिओ समाज माध्यमावर व्हायरल झाल्याचे माहित झाले व त्यांना तो दिसला. हा धक्कादायक प्रकार पाहून पालकसुद्धा हादरले. त्यांनी मुलांना विचारपूस केली असता हा धक्कादायक प्रकार समोर आला. त्यामुळे त्यांनी तत्काळ तिवसा पोलीस ठाण्यात तक्रार दाखल केली. तक्रारीवरून पोलिसांनी तिन्ही युवकाविरुद्ध कलम ६७ माहिती तंत्रज्ञान कायदा व पोस्को कायद्यान्वये गुन्हा दाखल करुन त्यांना पोलिसांनी अटक केली आहे.

प्रकरणाचा तपास सुरू

पीडीत मुलांच्या पालकांनी दिलेल्या तक्रारीवरून तिघांविरुद्ध गुन्हा दाखल करुन त्यांना अटक केली आहे. या प्रकरणाचा सखोल तपास सुरू असल्याची माहिती, ठाणेदार संदीप चव्हाण यांनी दिली आहे.