'मुख्यमंत्रीसाहेब', हजारो क्विंटल संत्री रस्त्यावर फेकण्याची वेळ, शेतकऱ्याला मदतीची अपेक्षा

अमरावती : राज्यभरात नागपुरी संत्राच्या नावाने प्रसिद्ध असलेला अमरावती जिल्ह्यातील संत्रा यंदा मातीमोल झाला आहे. निसर्गाचा लहरीपणा बाजार भाव आणि संततधार पावसाने हजारो क्विंटल संत्रा रस्तावर फेकण्याची वेळ शेतकऱ्यांवर आली आहे.

अमरावती जिल्ह्यात हजारो संत्र्याचे पीक घेतले जाते. वरूड, मोर्शी, अचलपूर, अंजनगाव, परतवाडा, तिवसा, दर्यापूर, पथरोड यासह अनेक गावांमध्ये संत्र्याचे मोठ्या प्रमाणात उत्पादन घेण्यात येते. नागपुरी संत्रा म्हणून हा संत्रा जगभरात प्रसिद्ध आहे. गेल्यावर्षी याच संत्र्याला बांगलादेशमधून मोठी मागणी होती. मात्र, यंदा हा हजारो हेक्टरीवरील लाखो क्विंटल संत्रा रस्त्यावर फेकण्याची वेळ शेतकऱ्यांवर आली आहे.

यंदा राज्यभर मोठ्या प्रमाणात पाऊस झाला. विदर्भातसुद्धा मधल्या काळात सतत पंधरा दिवस सूर्याचे दर्शन सुद्धा झाले नाही. यामुळेच संत्र्याच्या देठावर बुरशीजन्य आजाराने हल्ला केला. संत्र्याला मोठ्या प्रमाणात गळती लागली. त्यात भर पडली ती पांदण रस्त्याची. शेतापासून मुख्य रस्त्यावर वाहून जाणारा हा पांदण रस्ता या पावसाने पूर्णता चिखलाने माखलेला होता. त्यामुळे शेतातील माती रस्त्यावर आणायचा कसा? असा प्रश्न शेतकऱ्यांवर पुढे होता.

संत्रा गळतीने उत्पादक हैराण, शेतकऱ्याने थेट ५०० झाडांवर चालवला बुलडोझर

याच कालावधीत संत्राचे व्यापारी सुद्धा शेत मालाकडे दुर्लक्ष करू लागले होते. त्यामुळे हजारो क्विंटल संत्रा शेतात पडून सडला. जो संत्रा झाडावर राहाला त्याची प्रतवारी घसरली. शेतकऱ्यांची दिवाळी गोड करणारा संत्रा यंदा हातातून गेल्याने शेतकऱ्यांच्या पदरी निराशा पडली आहे. संत्राच्या पैशावरच शेतकऱ्याचे वर्षभराचे आर्थिक गणित अवलंबून असते. मात्र, याच संस्थेने यंदा दगा दिल्याने शेतकऱ्यांची आर्थिक नियोजन कोसळले आहे. महाविकास आघाडी सरकारने संत्रा उत्पादक शेतकऱ्यांना तात्काळ मदत जाहीर करावी अशी मागणी शेतकरी करत आहे.