म. टा. वृत्तसेवा, गडचिरोली
जिल्ह्यात माओवाद्यांच्या विरोधात धडक कारवाई करून सात माओवाद्यांना कंठस्नान घालणाऱ्या सी-६०च्या जवानांचे गुरुवारी गडचिरोली पोलिस दलाकडून रेड कार्पेट टाकून जंगी स्वागत करण्यात आले. जवानांनी ढोल-ताशाच्या गजरात यशाचा आनंद साजरा केला. दरम्यान, या जवानांना सात लाखांचे बक्षीस जाहीर करण्यात आले आहे. दरम्यान दुसऱ्या दिवशीही गडचिरोली-छत्तीसगडच्या सीमावर्ती भागात माओवाद्यांच्या विरोधात पोलिसांनी अत्यंत नियोजनबद्ध पद्धतीने तयारी करून धडक कारवाई केल्याने या चकमकीत यश मिळाल्याचे मानले जात आहे.
जिल्ह्यातील झिंगानूर पोलिस ठाण्याच्या हद्दीत कल्लेडच्या जंगलात बुधवारी सकाळी सी-६० कमांडो पथकाने धडक कारवाई करीत चकमकीत सात माओवाद्यांना ठार केले. या चकमकीत ठार झालेल्या माओवाद्यांच्या हालचाली गेल्या महिन्यापासून वाढल्या होत्या. सिरोंचा तालुक्यात माओवाद्यांच्या हालचालीची माहिती मिळाल्यानंतर सिरोंचाचे उपविभागीय पोलिस अधिकारी गजानन राठोड यांनी अलीकडेच सिरोंचा तालुक्याच्या दौऱ्यावर आलेले उपमहानिरीक्षक अंकुश शिंदे आणि पोलिस अधीक्षक अभिनव देशमुख यांना त्यांच्या कारवायांची कल्पना दिली होती. त्यानुसार वरिष्ठ पोलिस अधिकाऱ्यांनी व्युहरचना केली होती. गेल्या दोन महिन्यांपासून सी-६०चा कमांडर मोतीराम मडावी याचाही सिरोंचात मुक्काम होता. १५ दिवसांपूर्वीच धडक कारवाई करण्याची तयारी करून सिरोंचाचे उपविभागीय अधिकारी गजानन राठोड आणि झिंगानूर ठाण्यातील सी-६०चे पथक आसरल्ली ते पातागुडमच्या जंगलात गेले होते. मात्र तोपर्यंत माओवादी निघून गेले होते. नंतर वरिष्ठ अधिकाऱ्यांशी चर्चा करून खबऱ्यांच्या योग्य नेटवर्कचा वापर करीत संधी मिळताच धडक कारवाई करण्यात आली. या चकमकीत सात माओवादी ठार झाले. घटनास्थळ असलेला परिसर घनदाट जंगलाने आणि पहाडाने वेढलेला असल्याने धोकादायक असलेल्या भागातुन माओवाद्यांचे मृतदेह काढून झिंगानूर ठाण्यात आणण्यात आले.
दरम्यान, या घटनेत आणखी काही माओवादी जखमी झाल्याचा अंदाज असून सिरोंचाचे उपविभागीय अधिकारी गजानन राठोड हे दुसऱ्या दिवशीही झिंगानूरमध्ये ठाण मांडून होते. माओवाद्यांविरोधात शोधमोहीम राबवली जात आहे. दरम्यान या मृतक माओवाद्यांची ओळख पटल्यानंतर गडचिरोली पोलिसांनी त्यांच्या कुटुंबियांना कल्पना दिली. त्यात सिरोंचा एरिया समितीची सदस्य असलेली अहेरी तालुक्यातल्या सिंदा येथील रहीवासी मृतक सुनिताच्या आई-वडिलांनी गावकऱ्यांसह गडचिरोलीला भेट देऊन सुनिताच्या मृतदेहाची पाहणी केली.
माओवाद्यांच्या विरोधात धडक कारवाई करणाऱ्या २५ जणांच्या सी-६० पथकाचे गुरुवारी गडचिरोलीत पोहोचताच जंगी स्वागत करण्यात आले. गुरुवारी सकाळीच झिंगानूरहून सी-सिक्स्टी कमांडोजचे २३ जणांचे सी-६० पथक दुपारी गडचिरोलीत पोहोचले. पोलिस मुख्यालयात या पथकाचे रेड कार्पेट टाकून ढोलताशाच्या गजरात जंगी स्वागत करण्यात आले. यावेळी जवानांना ७ लाखांचे बक्षीस जाहीर करण्यात आले. गडचिरोलीचे पोलिस उपमहानिरीक्षक अंकुश शिंदे आणि पोलिस अधीक्षक अभिनव देशमुख यांच्या हस्ते जवानांना दोन लाख रुपयांचे रोख बक्षीस देण्यात आले. तसेच प्रशस्तीपत्र देऊन गौरवण्यात आले. यावेळी अभियानाचे अतिरिक्त अधीक्षक महेश्वररेड्डी, अतिरिक्त अधीक्षक महेंद्र पंडित उपस्थीत होते.
जिल्ह्यात माओवाद्यांच्या विरोधात धडक कारवाई करून सात माओवाद्यांना कंठस्नान घालणाऱ्या सी-६०च्या जवानांचे गुरुवारी गडचिरोली पोलिस दलाकडून रेड कार्पेट टाकून जंगी स्वागत करण्यात आले. जवानांनी ढोल-ताशाच्या गजरात यशाचा आनंद साजरा केला. दरम्यान, या जवानांना सात लाखांचे बक्षीस जाहीर करण्यात आले आहे. दरम्यान दुसऱ्या दिवशीही गडचिरोली-छत्तीसगडच्या सीमावर्ती भागात माओवाद्यांच्या विरोधात पोलिसांनी अत्यंत नियोजनबद्ध पद्धतीने तयारी करून धडक कारवाई केल्याने या चकमकीत यश मिळाल्याचे मानले जात आहे.
जिल्ह्यातील झिंगानूर पोलिस ठाण्याच्या हद्दीत कल्लेडच्या जंगलात बुधवारी सकाळी सी-६० कमांडो पथकाने धडक कारवाई करीत चकमकीत सात माओवाद्यांना ठार केले. या चकमकीत ठार झालेल्या माओवाद्यांच्या हालचाली गेल्या महिन्यापासून वाढल्या होत्या. सिरोंचा तालुक्यात माओवाद्यांच्या हालचालीची माहिती मिळाल्यानंतर सिरोंचाचे उपविभागीय पोलिस अधिकारी गजानन राठोड यांनी अलीकडेच सिरोंचा तालुक्याच्या दौऱ्यावर आलेले उपमहानिरीक्षक अंकुश शिंदे आणि पोलिस अधीक्षक अभिनव देशमुख यांना त्यांच्या कारवायांची कल्पना दिली होती. त्यानुसार वरिष्ठ पोलिस अधिकाऱ्यांनी व्युहरचना केली होती. गेल्या दोन महिन्यांपासून सी-६०चा कमांडर मोतीराम मडावी याचाही सिरोंचात मुक्काम होता. १५ दिवसांपूर्वीच धडक कारवाई करण्याची तयारी करून सिरोंचाचे उपविभागीय अधिकारी गजानन राठोड आणि झिंगानूर ठाण्यातील सी-६०चे पथक आसरल्ली ते पातागुडमच्या जंगलात गेले होते. मात्र तोपर्यंत माओवादी निघून गेले होते. नंतर वरिष्ठ अधिकाऱ्यांशी चर्चा करून खबऱ्यांच्या योग्य नेटवर्कचा वापर करीत संधी मिळताच धडक कारवाई करण्यात आली. या चकमकीत सात माओवादी ठार झाले. घटनास्थळ असलेला परिसर घनदाट जंगलाने आणि पहाडाने वेढलेला असल्याने धोकादायक असलेल्या भागातुन माओवाद्यांचे मृतदेह काढून झिंगानूर ठाण्यात आणण्यात आले.
दरम्यान, या घटनेत आणखी काही माओवादी जखमी झाल्याचा अंदाज असून सिरोंचाचे उपविभागीय अधिकारी गजानन राठोड हे दुसऱ्या दिवशीही झिंगानूरमध्ये ठाण मांडून होते. माओवाद्यांविरोधात शोधमोहीम राबवली जात आहे. दरम्यान या मृतक माओवाद्यांची ओळख पटल्यानंतर गडचिरोली पोलिसांनी त्यांच्या कुटुंबियांना कल्पना दिली. त्यात सिरोंचा एरिया समितीची सदस्य असलेली अहेरी तालुक्यातल्या सिंदा येथील रहीवासी मृतक सुनिताच्या आई-वडिलांनी गावकऱ्यांसह गडचिरोलीला भेट देऊन सुनिताच्या मृतदेहाची पाहणी केली.
माओवाद्यांच्या विरोधात धडक कारवाई करणाऱ्या २५ जणांच्या सी-६० पथकाचे गुरुवारी गडचिरोलीत पोहोचताच जंगी स्वागत करण्यात आले. गुरुवारी सकाळीच झिंगानूरहून सी-सिक्स्टी कमांडोजचे २३ जणांचे सी-६० पथक दुपारी गडचिरोलीत पोहोचले. पोलिस मुख्यालयात या पथकाचे रेड कार्पेट टाकून ढोलताशाच्या गजरात जंगी स्वागत करण्यात आले. यावेळी जवानांना ७ लाखांचे बक्षीस जाहीर करण्यात आले. गडचिरोलीचे पोलिस उपमहानिरीक्षक अंकुश शिंदे आणि पोलिस अधीक्षक अभिनव देशमुख यांच्या हस्ते जवानांना दोन लाख रुपयांचे रोख बक्षीस देण्यात आले. तसेच प्रशस्तीपत्र देऊन गौरवण्यात आले. यावेळी अभियानाचे अतिरिक्त अधीक्षक महेश्वररेड्डी, अतिरिक्त अधीक्षक महेंद्र पंडित उपस्थीत होते.