पतीचे निधन झाले, त्यानंतर मित्राने दिला आधार; मात्र, पुढे जे घडले ते धक्कादायक

अमरावती : लग्नाचे आमिष दाखवून एका महिलेवर २०१० ते २०२२ या काळात अत्याचार करण्यात मारहाण करून जिवे मारण्याची धमकी देण्यात आली. ही घटना फ्रेजरपुरा पोलीस ठाण्याच्या हद्दीत उघडकीस आली. या प्रकरणी आरोपीविरुद्ध गुन्हा दाखल करण्यात आला आहे. (a woman was raped after being lured into marriage)

संदीप वसंत सोनोने (४२, रा. अमरावती) असे गुन्हा दाखल झालेल्या आरोपीचे नाव आहे. पीडित ३८ वर्षीय महिला पतीच्या आजारपणामुळे माहेरी राहायला गेली होती. यावेळी संदीप सोनोने हा वेळोवेळी त्यांच्या पतीच्या मदतीकरता जात होता. त्यामुळे त्यांच्यात ओळख होवून मैत्री झाली. दरम्यान, पीडित महिलेच्या पतीचे निधन झाले. पतीच्या निधनानंतर पीडित महिलेला आधाराची गरज असल्याने संदीप व त्यांच्यातील मैत्रीचे रुपांतर प्रेमात झाले. यावेळी संदीपने त्यांना प्रपोजही केले.

क्लिक करा आणि वाचा- अमरावती हादरले! अल्पवयीन मुलगी क्लासला गेली होती, 'तो' कार घेऊन आला आणि...

पीडित महिलेने होकार दिल्यावर संदीप हा त्यांना एका मित्राच्या घरी घेऊन गेला. या ठिकाणी त्याने पीडित महिलेचे लैंगिक शोषण केले. पीडित महिलेने लग्नाबाबत विचारणा केल्यावर संदीप टाळाटाळ करू लागला. महिलेने लग्नाबाबत तगादा लावल्यावर संदीप त्यांना विवाह नोंदणी केंद्रावर घेऊन गेला. मात्र, लग्न न करताच त्यांना तेथून परत आणण्यात आले. त्यामुळे पीडित महिलेने संदीपसोबतचे संबंध तोडले.

क्लिक करा आणि वाचा- सुसाट वेगाने येणाऱ्या दोन कंटेनरचा भीषण अपघात; एक जागीच ठार, तिघे गंभीर

यावेळी संदीपने जीवाचे बरेवाईट करण्याची धमकी दिल्याने पीडित महिला पुन्हा त्याच्यासोबत गेली. मात्र, त्यानंतरही लग्न न करता संदीपने महिलेचे शोषण केले. त्यांना मारहाण करून जिवे मारण्याची धमकी दिली. या प्रकरणी पीडित महिलेने फ्रेजरपुरा ठाण्यात तक्रार दाखल केली. तक्रारीवरून संदीप सोनोनेविरुद गुन्हा दाखल करण्यात आला आहे.

क्लिक करा आणि वाचा- आदिवासी पित असलेलं पाणी पिण्यास नवनीत राणांचा नकार, कार्यकर्त्यांना म्हणाल्या तुम्हीच पिऊन दाखवा