अमरावतीकरांनो सावधान! मनोरुग्ण तरुणाकडून दोन जणांवर शस्त्रास्त्र हल्ला, आरोपी अद्याप फरार...

अमरावती : धरणी शहरातील दातार रेडिओ एंड इलेक्ट्रॉनिक शॉपीत एका मनोविकृत तरुणाने बनावी ग्राहक बनून शिरकाव केल्यानंतर तेथे कार्यरत असलेल्या नोकरावर धारदार शस्त्रास्त्रद्वारे हल्ला चढवून जीवे मारण्याचा प्रयत्न केला. पण शॉपी ओनरच्या भावाकडून भांडणं सोडवल्यामुळे हल्ला चुकला आणि क्षणाचाही विलंब न करता हल्लेखोर घटनास्थळाहून फरार झाला. या घटनेमुळे संपूर्ण परिसरात सध्या भीतीचं वातावरण आहे.

मिळालेल्या माहितीनुसार, या जीवघेण्या हल्ल्यात शॉपी ओनरचा भाऊ आणि नोकर अशा दोघांना गंभीर दुखापत झाल्याचे वृत्त असून दोन्ही जखमींवर धारणीच्या शासकीय उपजिल्हा रुग्णालयातून उपचार सुरू आहे. मात्र, मनोविकृत आरोपी हा घटनास्थळाहून अज्ञात स्थळी फरार झाल्याचे वृत्त आहे.

Weather Alert : राज्यात पुन्हा अवकाळी पावसाचा इशारा, 'या' जिल्ह्यांमध्ये चिंता वाढली
पोलिसी सूत्रांकडून मिळालेल्या माहितीनुसार, हल्लेखोर मनोविकृत तरुणाचे नाव अरबाज मेमन वल्द आहमद मेमन ( १९ वर्ष ) आहे. मनोविकृत तरुणाने शॉपीत हल्ल्यात छोटू ऊर्फ दिपक मावस्कर याच्या उजव्या हाताची दोन बोटे निकामी झाली तर फैजान खान यांच्या दोन्ही हातांवर गंभीर दुखापत झाली असून वैद्यकीय अधीक्षक डॉ. रेखा गजरलवाल यांच्या मार्गदर्शनात दोघांवर उपचार सुरु करण्यात आले आहेत.

धारणी पोलीस निरीक्षक सुरेंद्र बेलखेडे यांची सदर घटनेची मिळताच घटनास्थळीच भेट दिली. शासकीय उपजिल्हा रुग्णालयातून दोन्ही जखमींवर तातडीचा उपचार पूरवून सदरचा गुन्हा पोलीस दप्तरी दाखल केला असून मनोविकृत तरुणाची शोध मोहीम सुरु केली आहे.