मुंबई: शिंदे गट आणि भाजपच्या युती सरकारचा मंत्रिमंडळ विस्तार आज पार पडला. या मंत्रिमंडळ विस्तारात १८ नेत्यांना शपथ देण्यात आली. मात्र, त्यात एकाही महिला नेत्याचा समावेश करण्यात आलेला नाही. त्यामुळे शिंदे गट-भाजपचं हे मंत्रिमंडळ पुरुषप्रधान मंत्रिमंडळ ठरतंय. त्यावर आता माजी मंत्री आणि काँग्रेसच्या नेत्या यशोमती ठाकूर यांनी बोचरी टीका केली आहे. यावेळी त्यांनी शिंदे गटातील संजय राठोड यांच्या शपथेवरुन भाजप नेत्या चित्रा वाघ यांच्यावर निशाणा साधला आहे. आता चित्रा वाघ काय करणार याची मी वाट बघतेय, असं यशोमतू ठाकूर म्हणाल्या आहेत. चित्रा ताई काय बोलणार, याची प्रतीक्षा - यशोमती ठाकूर
"मंत्रिमंडळ विस्तार झालाय पण आश्चर्य म्हणजे एकही महिला त्यात नाही. याचा विनोद होऊ शकतो अशी कृती तिथे केलेली आम्हाला दिसतेय. भाजपची जी वॉशिंग पावडर आहे ही फारच कपडे आणि चरित्र साफ करते. चित्रा ताई वाघ आता काय कमेंट करणार याची मी वाट बघतेय. संजय राठोडांनी मंत्रिपदाची शपथ घेतली. हे व्हाईटवॉश केलेलं मंत्रिमंडळ आहे का. बघुयात काय होतंय", असे यशोमती ठाकूर यांनी म्हटले.
हेही वाचा -संजय राठोड तिकडे शपथ घेत होते, इकडे चित्रा वाघ यांच्या तळपायाची आग मस्तकात गेली होती...!
संजय राठोडांकडून मंत्रिपदाची शपथ
पूजा चव्हाण या तरुणीच्या आत्महत्या प्रकरणात आरोप झालेल्या संजय राठोडांना एकनाथ शिंदे यांनी कॅबिनेट मंत्रिपदाची संधी दिली. आज त्यांनी इतर १७ नेत्यासह मंत्रिपदाची शपथ घेतली. साडे अकरा वाजताच्या सुमारास संजय राठोड यांनी पद आणि गोपनियतेची शपथ घेतली. ज्या संजय राठोडांच्या राजीनाम्यासाठी भाजप नेत्या चित्रा वाघ यांनी ठाकरे सरकारला धारेवर धरलं होतं, तेच संजय राठोड आता पुन्हा मंत्री होणार आहेत.
हेही वाचा -संजय राठोडांनी शपथ घेतली अन् दुसऱ्या क्षणाला आतले-बाहेरचे सगळेचजण तुटून पडले
त्याच्या विरुद्धचा माझा लढा मी सुरूच ठेवेन, चित्रा वाघ यांचं ट्वीट
पुजा चव्हाणच्या मृत्यूला कारणीभूत असणाऱ्या माजी मंत्री संजय राठोडला पुन्हा मंत्रीपद दिलं जाणं हे अत्यंत दुर्दैवी आहे. संजय राठोड जरी पुन्हा मंत्री झालेला असला तरीही त्याच्या विरुद्धचा माझा लढा मी सुरूच ठेवलेला आहे. माझा न्याय देवतेवर विश्वास... लडेंगे… जितेंगे, असं ट्विट चित्रा वाघ यांनी केलं आहे.
"मंत्रिमंडळ विस्तार झालाय पण आश्चर्य म्हणजे एकही महिला त्यात नाही. याचा विनोद होऊ शकतो अशी कृती तिथे केलेली आम्हाला दिसतेय. भाजपची जी वॉशिंग पावडर आहे ही फारच कपडे आणि चरित्र साफ करते. चित्रा ताई वाघ आता काय कमेंट करणार याची मी वाट बघतेय. संजय राठोडांनी मंत्रिपदाची शपथ घेतली. हे व्हाईटवॉश केलेलं मंत्रिमंडळ आहे का. बघुयात काय होतंय", असे यशोमती ठाकूर यांनी म्हटले.
हेही वाचा -संजय राठोड तिकडे शपथ घेत होते, इकडे चित्रा वाघ यांच्या तळपायाची आग मस्तकात गेली होती...!
संजय राठोडांकडून मंत्रिपदाची शपथ
पूजा चव्हाण या तरुणीच्या आत्महत्या प्रकरणात आरोप झालेल्या संजय राठोडांना एकनाथ शिंदे यांनी कॅबिनेट मंत्रिपदाची संधी दिली. आज त्यांनी इतर १७ नेत्यासह मंत्रिपदाची शपथ घेतली. साडे अकरा वाजताच्या सुमारास संजय राठोड यांनी पद आणि गोपनियतेची शपथ घेतली. ज्या संजय राठोडांच्या राजीनाम्यासाठी भाजप नेत्या चित्रा वाघ यांनी ठाकरे सरकारला धारेवर धरलं होतं, तेच संजय राठोड आता पुन्हा मंत्री होणार आहेत.
हेही वाचा -संजय राठोडांनी शपथ घेतली अन् दुसऱ्या क्षणाला आतले-बाहेरचे सगळेचजण तुटून पडले
त्याच्या विरुद्धचा माझा लढा मी सुरूच ठेवेन, चित्रा वाघ यांचं ट्वीट
पुजा चव्हाणच्या मृत्यूला कारणीभूत असणाऱ्या माजी मंत्री संजय राठोडला पुन्हा मंत्रीपद दिलं जाणं हे अत्यंत दुर्दैवी आहे. संजय राठोड जरी पुन्हा मंत्री झालेला असला तरीही त्याच्या विरुद्धचा माझा लढा मी सुरूच ठेवलेला आहे. माझा न्याय देवतेवर विश्वास... लडेंगे… जितेंगे, असं ट्विट चित्रा वाघ यांनी केलं आहे.