कौतुक करावे तेवढे कमीच! विवाहात चक्क सासरी जाणाऱ्या बहिणीची भर मांडवात ग्रंथतुला

अमरावती: लग्न हा प्रत्येकाच्या आयुष्यातील महत्त्वाचा क्षण असतो या क्षणाला अधिका अधिक आनंददायी व सहस्मरणीय करण्यासाठी सध्या अनेक युवक युती आपल्याला लग्नात भन्नाट कल्पना वापरून असे स्मरणीय करत आहे. काही दिवसापूर्वी अमरावती जिल्ह्यात लग्नाच्या करारनाम्यावर सही करत अनेकांचे लक्ष वेधले होते तर आज जिल्ह्यातील एका ठिकाणी झालेल्या विवाहात नवरीच्या भावाने चक्क सासरी जाणाऱ्या बहिणीची भर मांडवात ग्रंथ तुला केल्याने गावभर एकाच चर्चेला उधाण आले होते, अनेकांनी या कार्यक्रमाचे कौतुक केले आहे.

अंजनगावसुर्जी तालुक्यातील कारला येथे आज एक आगळा-वेगळा आणि रुढी-परंपरेला फाटा देणारा बुद्धिप्रामाण्यवादी विवाह पार पडला. महामानवांच्या विचारांनी प्रेरीत झालेले दाळू आणि पोळकट या दोन परिवाराने हा योग जुळून आणला. दाळू यांच्या कुटुंबातील वधू आणि पोळकर यांच्या कुटुंबातील वर यांचा ऋणानुबंध जोडणारा शिव मंगल सोहळा म्हणून त्याकडे पाहिले जाते.

कर्नाटकात यावेळी स्पष्ट बहुमत, पण कोणाला? Opinion Pollच्या ताज्या सर्व्हेत या पक्षाला...
आहेर, हार-तुरे वाजंत्री, फटाके यावर होणारा अनाठायी खर्च टाळत शिव मंगल परिवर्तनशील शिव विवाह सोहळ्याची विशेषतः म्हणजे मुलीचे वडील शिवदास दाळू यांनी हुंडा पद्धत नाकारुन साध्या पद्धतीने विवाह केला. लग्नसमारंभात होणाऱ्या खर्चात बचत करुन जावाई वैभव आणि मुलगी क्रांती हिला सावित्रीबाई फुले विद्यालयाच्या ग्रंथालयाला ग्रंथ व स्पर्धा परीक्षेची पुस्तके भेट देण्याचा संकल्प केला होता. त्याची संकल्पपूर्ती यावेळी करण्यात आली. त्यासाठी लग्न विधीदरम्यान नवरीची ग्रंथतुला करण्यात आली. या शिव विवाह सोहळ्याला प्रसिद्ध सत्यपाल महाराज, आमदार देवेंद्र उपस्थीत होते.


लग्नाच्या मंडपातच ग्रंथतुलेनंतर उपस्थित मान्यवरांच्या हस्ते ग्रंथालयाचे उद्घाटनही करण्यात आले. शिवाय विद्यार्थ्यांना स्वच्छ पिण्याचे पाणी मिळावे म्हणून वॉटर फिल्टरही देण्यात आले. दरम्यान, सर्व वऱ्हाडी मंडळी आणि पाहुण्यांच्या साक्षीने ग्रंथतुलेतील पुस्तके ग्रंथालयाला भेट देण्यात आली. या ग्रंथसंपदेमुळे रोजगाराची प्रतीक्षा करणाऱ्या विद्यार्थ्यांसाठी उपयुक्त ठरतील.