अमरावती :
राज्य परिवहन महामंडळाच्या महिला वाहकावर एका युवकाने बसमध्ये शिरून चाकूने हल्ला केल्याची घटना आज मंगळवारी दुपारी घडली. या प्रकारानंतर एसटी कर्मचाऱ्यांनी रस्त्यावर उतरून निदर्शने करत निषेध नोंदविला.
कविता गावंडे-धोटे (३२) असे चाकूहल्ल्यात जखमी झालेल्या वाहक महिलेचे नाव आहे. कविता या अमरावती आगारामध्ये वाहक म्हणून कार्यरत आहेत. आज दुपारी अमरावती-दापोरी बस (क्रमांक एम. एच. ४०/एन ९३००) घेऊन जात होत्या. बसमध्ये चांगलीच गर्दी होती. बसच्या दरवाजाजवळ सावरकर नामक वृद्ध महिला बसली होती. महिलेला यावली येथे जायचे होते. नांदगाव पेठजवळ ही वृद्ध महिला व वाहक यांच्यात वाद झाला. यामुळे वाहक कविता गावंडे यांनी वृद्धेस रस्त्यावर उतरवून दिले. बसमधून उतरताच वृद्धेने मोबाइलद्वारे ही माहिती तिचा मुलगा कमलेश याला दिली. दरम्यान, आईला बसमधून उतरवण्यात आल्याचे समजताच कमलेश हा नांदगाव नंतरच्या माहुली येथील बस थांब्याजवळ पोहोचला. तिथे सदर बस येताच त्याने काही प्रवाशांना खाली उतरू दिले. त्यानंतर तो बसमध्ये चढला आणि त्याने वाहक कविता गावंडे यांच्याशी वाद घातला. यावेळी संतापलेल्या कमलेशने त्याच्या जवळील चाकूने कविता यांच्या हातावर व डोक्यावर सपासप ५ वार केले. यात कविता या गंभीर जखमी झाल्या. या घटनेनंतर हल्लेखोर पसार झाला होता. मात्र, माहुली पोलिसांनी याप्रकरणी गुन्हा दाखल करून कमलेशला काहीवेळातच अटक केली आहे.
दरम्यान, बस चालक व प्रवाशांनी कविता यांना जिल्हा सामान्य रुग्णालयात दाखल केले असून अमरावती आगारातील कर्मचाऱ्यांनी या घटनेच्या निषेधार्थ काम बंद करून निदर्शने केली. यामुळे काही वेळेसाठी एसटी वाहतूक ठप्प झाली होती.
राज्य परिवहन महामंडळाच्या महिला वाहकावर एका युवकाने बसमध्ये शिरून चाकूने हल्ला केल्याची घटना आज मंगळवारी दुपारी घडली. या प्रकारानंतर एसटी कर्मचाऱ्यांनी रस्त्यावर उतरून निदर्शने करत निषेध नोंदविला.
कविता गावंडे-धोटे (३२) असे चाकूहल्ल्यात जखमी झालेल्या वाहक महिलेचे नाव आहे. कविता या अमरावती आगारामध्ये वाहक म्हणून कार्यरत आहेत. आज दुपारी अमरावती-दापोरी बस (क्रमांक एम. एच. ४०/एन ९३००) घेऊन जात होत्या. बसमध्ये चांगलीच गर्दी होती. बसच्या दरवाजाजवळ सावरकर नामक वृद्ध महिला बसली होती. महिलेला यावली येथे जायचे होते. नांदगाव पेठजवळ ही वृद्ध महिला व वाहक यांच्यात वाद झाला. यामुळे वाहक कविता गावंडे यांनी वृद्धेस रस्त्यावर उतरवून दिले. बसमधून उतरताच वृद्धेने मोबाइलद्वारे ही माहिती तिचा मुलगा कमलेश याला दिली. दरम्यान, आईला बसमधून उतरवण्यात आल्याचे समजताच कमलेश हा नांदगाव नंतरच्या माहुली येथील बस थांब्याजवळ पोहोचला. तिथे सदर बस येताच त्याने काही प्रवाशांना खाली उतरू दिले. त्यानंतर तो बसमध्ये चढला आणि त्याने वाहक कविता गावंडे यांच्याशी वाद घातला. यावेळी संतापलेल्या कमलेशने त्याच्या जवळील चाकूने कविता यांच्या हातावर व डोक्यावर सपासप ५ वार केले. यात कविता या गंभीर जखमी झाल्या. या घटनेनंतर हल्लेखोर पसार झाला होता. मात्र, माहुली पोलिसांनी याप्रकरणी गुन्हा दाखल करून कमलेशला काहीवेळातच अटक केली आहे.
दरम्यान, बस चालक व प्रवाशांनी कविता यांना जिल्हा सामान्य रुग्णालयात दाखल केले असून अमरावती आगारातील कर्मचाऱ्यांनी या घटनेच्या निषेधार्थ काम बंद करून निदर्शने केली. यामुळे काही वेळेसाठी एसटी वाहतूक ठप्प झाली होती.