Navneet Rana : खासदार नवनीत राणा अडचणीत? मुंबईतील कोर्टाने बजावले अजामीनपात्र वॉरंट

मुंबई : हनुमान चालीसा प्रकरणावरून संपूर्ण राज्यात राजकीय वातावरण तापवणाऱ्या अमरावतीच्या खासदार खासदार नवनीत राणा ( Navneet Rana ) आणि वडील हरभजन सिंग यांच्या विरोधात शिवडी महानगर दंडाधिकारी न्यायालयाकडून दोन महिन्यात दोनवेळा अजामीनपात्र वॉरंट जारी करण्यात आल्याने राणा यांच्या अडचणीत मोठी वाढ झाली आहे.

शाळा सोडल्याच्या बनावट दाखल्यावरून नवनीत राणा आणि त्यांच्या वडिलांनी फसवणूक करून जात प्रमाणपत्र मिळवल्याचा आरोप आहे. या प्रकरणी नवनीत राणा आणि त्यांच्या वडिलांविरुद्ध तक्रार दाखल करण्यात आली होती. मुंबईतील मुलुंड पोलीस ठाण्यात तक्रार करण्यात आली होती. नवनीत राणा यांनी खोट्या दाखल्याच्या आधारावर अनुसूचित जातीचे प्रमाणपत्र मिळवल्याचा आरोप आहे. नवनीत राणा या अनुसूचित जातीसाठी राखीव असलेल्या जागेवरून खासदार म्हणून निवडून आल्या आहेत. आपण अनुसूचित जातीतीत असल्याचा दावा नवनीत राणा यांचा आहे. त्या अधारावर त्या अनुसूचित जातीच्या जागेवरून निवडून आल्या आहेत.

गणेश विसर्जनाच्या वादानंतर नवनीत राणा पुन्हा रिंगणात, उद्धव ठाकरेंवर निशाणा साधण्याची संधी सोडली नाही

बनावट जात प्रमाणपत्राच्या आरोप प्रकरणी राणा उर्फ नवनीत कौर हरभजन सिंग आणि त्यांचे वडील हरभजन सिंग रामसिंग कुंडलेस यांच्यावर मुलुंड पोलीस ठाण्यात गुन्हा दाखल करण्यात आला होता. या प्रकरणी आता मुंबईतील न्यायालयाने नवनीत राणा आणि त्यांच्या वडिलांविरोधात वॉरंट काढले. त्यानंतर नवनीत राणा यांनी सत्र न्यायालयात धाव घेतली आहे. पण आता पुन्हा न्यायालयाने वॉरंट काढले आहे.

राज ठाकरेंचे जुने ते सोने; पक्षवाढीसाठी कार्यकर्त्यांना सांगितला प्रचाराचा तो खास