म.टा. वृत्तसेवा, नागपूर
खापरखेडा वीजकेंद्रात दहा दिवसांपूर्वी एका अभियंत्यास लाच घेताना अटक करण्यात आली. ही घटना ताजी असतानाच चोरी प्रकरणात दोषी ठरवत दोन अधिकाऱ्यांना सोमवारी निलंबित करण्यात आले. त्यातच आता मुख्य अभियंत्यांची तडकाफडकी बदली करण्यात आली. यामुळे भोंगळ कारभारचा ठपका ठेवत आणखी किती अधिकाऱ्यांवर कारवाई होते, याकडे सर्वांचे लक्ष लागले आहे.
मुख्य अभियंता रवींद्र गोहणे यांची मुंबई येथे बदली करण्यात आली असून त्यांच्याजागी मुंबई येथून राजकुमार तासकर यांना रूजू होण्याचे आदेश देण्यात आले आहेत. खापरखेडा येथील औष्णिक वीज केंद्रातील मेजर स्टोअरमध्ये ३ ऑक्टोबर २०१६ रोजी चोरी झाली होती. यात तब्बल ११ लाख ७५ हजार रुपयांचे साहित्य चोरी झाल्याचे समोर आले होते. या प्रकरणी खापरखेडा पोलिसांत गुन्हा दाखल असून काही आरोपींनाही अटक करण्यात आली आहे. परंतु, या प्रकरणात दोषी धरत या केंद्रातील वरिष्ठ व्यवस्थापक (सुरक्षा) अधिकाऱ्यांसह विभागातील कार्यकारी अभियंत्याचे निलंबन करण्यात आले आहे. निलंबीत करण्यात आलेल्यांमध्ये वरिष्ट व्यवस्थापक (सुरक्षा) डी. व्ही. उरकुडे व कार्यकारी अभियंता (भांडार) अशोक गेडाम यांचा समावेश आहे.
या प्रकरणात मुख्य अभियंता गोहणे हेसुद्धा दोषी असल्याचे प्रथम चौकशी अहवालात समोर आले होते. शिवाय १ लाख रुपयांची लाच स्वीकारणाऱ्या एका अधिक्षक अभियंत्यास दहा दिवसांअगोदर रंगेहात अटक केली होती. याही प्रकरणात गोहणे यांचेच नाव समोर आले होते. यामुळे त्यांच्यावर कारवाई होईल, याची दाट शक्यता होती. परंतु, गोहणे यांची बदली करून या प्रकरणावर पडदा पाडण्याचे काम करण्यात आल्याचा आरोप करण्यात येत आहे. चोरी प्रकरणात अनेक बड्या अधिकारांच्या समावेश असल्याचा आरोप होत आहे. गोहणे यांची बदली करून अनेक प्रकरणे दडपण्याचे काम होत असल्याचे बोलले जात आहे.
खापरखेडा वीजकेंद्रात दहा दिवसांपूर्वी एका अभियंत्यास लाच घेताना अटक करण्यात आली. ही घटना ताजी असतानाच चोरी प्रकरणात दोषी ठरवत दोन अधिकाऱ्यांना सोमवारी निलंबित करण्यात आले. त्यातच आता मुख्य अभियंत्यांची तडकाफडकी बदली करण्यात आली. यामुळे भोंगळ कारभारचा ठपका ठेवत आणखी किती अधिकाऱ्यांवर कारवाई होते, याकडे सर्वांचे लक्ष लागले आहे.
मुख्य अभियंता रवींद्र गोहणे यांची मुंबई येथे बदली करण्यात आली असून त्यांच्याजागी मुंबई येथून राजकुमार तासकर यांना रूजू होण्याचे आदेश देण्यात आले आहेत. खापरखेडा येथील औष्णिक वीज केंद्रातील मेजर स्टोअरमध्ये ३ ऑक्टोबर २०१६ रोजी चोरी झाली होती. यात तब्बल ११ लाख ७५ हजार रुपयांचे साहित्य चोरी झाल्याचे समोर आले होते. या प्रकरणी खापरखेडा पोलिसांत गुन्हा दाखल असून काही आरोपींनाही अटक करण्यात आली आहे. परंतु, या प्रकरणात दोषी धरत या केंद्रातील वरिष्ठ व्यवस्थापक (सुरक्षा) अधिकाऱ्यांसह विभागातील कार्यकारी अभियंत्याचे निलंबन करण्यात आले आहे. निलंबीत करण्यात आलेल्यांमध्ये वरिष्ट व्यवस्थापक (सुरक्षा) डी. व्ही. उरकुडे व कार्यकारी अभियंता (भांडार) अशोक गेडाम यांचा समावेश आहे.
या प्रकरणात मुख्य अभियंता गोहणे हेसुद्धा दोषी असल्याचे प्रथम चौकशी अहवालात समोर आले होते. शिवाय १ लाख रुपयांची लाच स्वीकारणाऱ्या एका अधिक्षक अभियंत्यास दहा दिवसांअगोदर रंगेहात अटक केली होती. याही प्रकरणात गोहणे यांचेच नाव समोर आले होते. यामुळे त्यांच्यावर कारवाई होईल, याची दाट शक्यता होती. परंतु, गोहणे यांची बदली करून या प्रकरणावर पडदा पाडण्याचे काम करण्यात आल्याचा आरोप करण्यात येत आहे. चोरी प्रकरणात अनेक बड्या अधिकारांच्या समावेश असल्याचा आरोप होत आहे. गोहणे यांची बदली करून अनेक प्रकरणे दडपण्याचे काम होत असल्याचे बोलले जात आहे.