पोल‌िसांच्या हक्कासाठी ‘पोल‌िस बॉइज’

शैलेश धुंदी, अमरावती

पोल‌िसांना त्यांचे हक्क मिळवून देण्यासोबत त्यांच्यावरील अन्यायाला वाचा फोडण्यासाठी पोल‌िस बॉइज असोसिएशन उभे करण्यात आले आहे. संघटनेचे पदाधिकारी राज्यभर दौरे करून प्रश्न समजून घेण्यासोबत कार्यकर्त्यांची फळी उभारत आहेत. प्रशासनाविरुद्ध प्रत्यक्षात संघर्ष न करणाऱ्या पोल‌िसांना आता या पोल‌िस बॉइजचे बळ लाभण्याचे संकेत आहेत.

असोसिएशनचे अध्यक्ष प्रमोद वाघमारे व पदाधिकाऱ्यांनी राज्य दौरा सुरू केला आहे. नागपूर येथे जात असताना ‘मटा’शी बोलताना वाघमारे म्हणाले, ‘२०१३ मध्ये पोल‌िस बॉइज असोसिएशनची स्थापन करण्यात आली. पोलिसांच्या नातेवाइकांचा यात समावेश आहे. प्रत्येक जिल्ह्यात संघटनेची बांधणी सुरू आहे. जिल्हास्तरावर संघटनेत एक विधी अधिकारी असणार आहे. त्याच्या माध्यमातून पोलिसांना आपले हक्क मिळविताना कायद्याच्या चौकटीची जाण असणार आहे.’ पोल‌िसांचे विविध प्रश्न व मागण्या आहेत. परंतु त्या राज्यकर्त्यांपुढे मांडल्या जात नाहीत. असोसिएशन त्यासाठी प्रभावी ठरणार आहे. पोल‌िस खात्यात कार्यरत आई-वड‌िलांना हक्कासाठी मदत व्हावी याकरिता त्यांचे कुटुंबीय मोठ्या संख्येने संघटनेत सहभागी होत आहेत. बरेचदा वरिष्ठांकडून अपमानजनक वागणूक मिळत असतानाही पोलिस काहीच बोलत नाही. शीस्तीच्या नावाखाली हे सारे सुरू असते. त्यामुळे पोलिसांची मुले आता त्यांच्या मदतीला धावणार आहेत, असे वाघमारे म्हणाले.

काय आहेत संघटनेच्या मागण्या:

पोलिस मतदार संघ स्थापन व्हावा.

एका आमदाराची नियुक्ती पोलिसांमधून व्हावी.

पोलिसांवरील अन्याय थांबवावे.

वरिष्ठांकडून पोलिसांना सन्मानाची वागणूक मिळावी.

बदल्यांमधील, भरतीमधील गैरप्रकार