जिधर बम उधर हम, गद्दार मंत्री... बच्चू कडूंविरोधात लागले पोस्टर

जयंत सोनोने, अमरावती : राज्यात सध्या सत्ता संघर्ष पेटला आहे. अचलपूर मतदारसंघाचे आमदार राज्यमंत्री बच्चू कडू यांना अवघ्या दोन आमदारांवर शिवसेनेने मंत्रीपद दिले. तरीही शिवसेनेच्या बंडखोर गटात सामील होत ते गुवाहाटीला गेल्याने मतदारसंघांमध्ये त्यांच्याविरोधात रोष उफाळून येताना दिसत आहे.

राज्यमंत्री बच्चू कडू यांच्या अचलपूर मतदारसंघातील अचलपूर शहर आणि चांदूरबाजार शहरात मंत्री बच्चू कडू यांच्या विरोधात आता पोस्टरबाजी सुरू झाली आहे. या बॅनर्सवर 'गद्दार मंत्री जिधर बम, उधर हम' असे पोस्टर लागल्याने त्यांच्याविरोधात शिवसेना कार्यकर्ते आक्रमक झाले आहेत.

अचलपूर शहरात अशा प्रकारे काही पोस्टर लावण्यात आले होते. या बाबत पोलिसांमध्ये तक्रार देण्यात आली आहे. राज्यमंत्री बच्चू कडू यांनी पक्षातील कार्यकर्त्यांना विश्वासात घेऊन जनतेच्या हितासाठीचा हा निर्णय घेतला आहे. अशाप्रकारे बॅनर लावण्याचा हा प्रकार नेमका कोणी केला याबद्दल आताच सांगता येणार नाही, अशी माहिती प्रहार जनशक्ती पक्षाचे कार्याध्यक्ष बल्लू जवंजाळ यांनी दिली.

पोलीस स्टेशनच्या हद्दीमध्ये राज्यमंत्री बच्चू कडूंविरोधात एक पोस्टर लावण्यात आले होते. याबद्दल अजून कुठलाही गुन्हा दाखल करण्यात आलेला नाही. तपास सुरू आहे. हे पोस्टर आता काढण्यात आले आहेत, अशी माहिती सरमपुरा पोलिस स्टेशनचे ठाणेदार सुलभा राऊत यांनी दिली.

'महाराष्ट्रात राष्ट्रपती राजवट लागू करा', राज्यातील सत्तानाट्यावर नवनीत राणांची प्रतिक्रिया...

राज्यात सत्ता संघर्ष पेटला असताना राज्यमंत्री बच्चू कडू यांच्या मतदारसंघात अशाप्रकारे पोस्टर लागल्याने अनेकांच्या भुवया उंचावल्या आहे. सर्वसामान्यांचा नेता म्हणून परिचित असणाऱ्या बच्चू कडू यांच्या भूमिकेबद्दल अजूनही सर्वसामान्यांमध्ये संभ्रम असल्याचे दिसून येते. या पोस्टरमुळे त्यावर शिक्कामोर्तब झाले आहे.

उद्धव ठाकरे विश्वासात घेत नसल्याने नेत्यांमध्ये नाराजी, पण शिंदे ती चूक