म. टा. प्रतिनिधी, बुलडाणा
छत्रपती शिवाजी महाराजांचे आजोळ, माँ जिजाऊंचे माहेर असलेले सिंदखेडराजा राजे लखुजीराव जाधव यांच्या ३८७व्या स्मृतिदिनानिमित्त शिवकाळाच्या स्मृती जागवून गेले. पारंपरिक पोशाखात निघालेली जिवंत देखाव्यांची शोभायात्रा तसेच शिवकालीन शस्त्रवैभवांचे प्रदर्शन आकर्षणाचा विषय ठरले. दोन दिवसांच्या विविध कार्यक्रमांच्या रेलचेलने जणू शिवशाहीच अवतरली होती.
जाधव यांचे वशंज राजे शिवाजीराव जाधव आणि राजे जाधव परिवाराच्यावतीने २५ जुलै रोजी राजे लखुजीराव जाधव यांचा ३८७वा स्मृतिदिन साजरा करण्यात आला. सुरुवातीला जिजामाता जन्मस्थानापासून ते राजे लखुजीराव जाधव यांच्या समाधीपर्यंत शोभायात्रा काढण्यात आली. शिवाजी महाराज तसेच जिजाऊ, मावळे यांच्या वेशभूषेतील विद्यार्थी, अश्व लक्ष वेधून घेत होते. त्यानंतर लखुजीराव जाधव यांच्या स्मृतिदिनाचा कार्यक्रम दोन दिवस सिंदखेडराजात झाला. यात शस्त्र प्रदर्शन, समाधीस्थळी पूजन करण्यात आले. त्यानंतर पंचायत समितीच्या प्रांगणामध्ये राजे लखुजीराव जाधव पुरस्काराचे वितरण अॅड. श्रीमंत विक्रमसिंह जाधवराव यांच्या हस्ते करण्यात आले. यात डॉ. आ. ह. साळुंखे, गिरीश जाधव, जानकीराम कोठोडे, प्रशांत सोनुने यांचा समावेश आहे.
युवांपर्यंत इतिहास पोहचवा : डॉ. साळुंखे
सिंदखेडराजा हे पवित्र ठिकाण आहे. जुन्या इतिहासकारांनी लिहून ठेवलेला इतिहास तरुणांपर्यंत पोहोचला नाही. त्यांना आपल्या पूर्वजांकडून प्रेरणा मिळाली नाही. त्यामुळे तरुणांपर्यंत इतिहास पोहोचणे आवश्यक आहे. महापुरुषांचे इतिहास बदलवण्याचे काम पूर्वी केल्या गेले हे समजावून सांगत राजे लखुजीराव जाधव यांनी घालून दिलेला आदर्श घेणे गरजेचे आहे, असे मत ज्येष्ठ इतिहासकार डॉ. आ. ह. साळुंखे यांनी व्यक्त केले.
३५० शस्त्रांची मांडणी
शिवकालीन शस्त्रवैभवामध्ये तलवार, त्रिशूल, चक्र, गदा, धनुष्यबाण, खडंग, पाश, पट्टा, कोयता कुऱ्हाड, भाला, चिलखत, खंजीर, कटयार, वाघ नखे, तोफगोळे अशा विविध प्रकारच्या ३५० शस्त्रांची प्रदर्शनात माहितीसह मांडणी करण्यात आली होती. यामध्ये ५५ प्रकारच्या तलवारी, विविध प्रकारचे भाले यांचा समावेश होता. अशा स्वरुपातील ऐतिहासिक शस्त्रांचे प्रदर्शन ‘याची देही याची डोळा’चा अनुभव घेत तरुणाई भारावून गेली होती.
छत्रपती शिवाजी महाराजांचे आजोळ, माँ जिजाऊंचे माहेर असलेले सिंदखेडराजा राजे लखुजीराव जाधव यांच्या ३८७व्या स्मृतिदिनानिमित्त शिवकाळाच्या स्मृती जागवून गेले. पारंपरिक पोशाखात निघालेली जिवंत देखाव्यांची शोभायात्रा तसेच शिवकालीन शस्त्रवैभवांचे प्रदर्शन आकर्षणाचा विषय ठरले. दोन दिवसांच्या विविध कार्यक्रमांच्या रेलचेलने जणू शिवशाहीच अवतरली होती.
जाधव यांचे वशंज राजे शिवाजीराव जाधव आणि राजे जाधव परिवाराच्यावतीने २५ जुलै रोजी राजे लखुजीराव जाधव यांचा ३८७वा स्मृतिदिन साजरा करण्यात आला. सुरुवातीला जिजामाता जन्मस्थानापासून ते राजे लखुजीराव जाधव यांच्या समाधीपर्यंत शोभायात्रा काढण्यात आली. शिवाजी महाराज तसेच जिजाऊ, मावळे यांच्या वेशभूषेतील विद्यार्थी, अश्व लक्ष वेधून घेत होते. त्यानंतर लखुजीराव जाधव यांच्या स्मृतिदिनाचा कार्यक्रम दोन दिवस सिंदखेडराजात झाला. यात शस्त्र प्रदर्शन, समाधीस्थळी पूजन करण्यात आले. त्यानंतर पंचायत समितीच्या प्रांगणामध्ये राजे लखुजीराव जाधव पुरस्काराचे वितरण अॅड. श्रीमंत विक्रमसिंह जाधवराव यांच्या हस्ते करण्यात आले. यात डॉ. आ. ह. साळुंखे, गिरीश जाधव, जानकीराम कोठोडे, प्रशांत सोनुने यांचा समावेश आहे.
युवांपर्यंत इतिहास पोहचवा : डॉ. साळुंखे
सिंदखेडराजा हे पवित्र ठिकाण आहे. जुन्या इतिहासकारांनी लिहून ठेवलेला इतिहास तरुणांपर्यंत पोहोचला नाही. त्यांना आपल्या पूर्वजांकडून प्रेरणा मिळाली नाही. त्यामुळे तरुणांपर्यंत इतिहास पोहोचणे आवश्यक आहे. महापुरुषांचे इतिहास बदलवण्याचे काम पूर्वी केल्या गेले हे समजावून सांगत राजे लखुजीराव जाधव यांनी घालून दिलेला आदर्श घेणे गरजेचे आहे, असे मत ज्येष्ठ इतिहासकार डॉ. आ. ह. साळुंखे यांनी व्यक्त केले.
३५० शस्त्रांची मांडणी
शिवकालीन शस्त्रवैभवामध्ये तलवार, त्रिशूल, चक्र, गदा, धनुष्यबाण, खडंग, पाश, पट्टा, कोयता कुऱ्हाड, भाला, चिलखत, खंजीर, कटयार, वाघ नखे, तोफगोळे अशा विविध प्रकारच्या ३५० शस्त्रांची प्रदर्शनात माहितीसह मांडणी करण्यात आली होती. यामध्ये ५५ प्रकारच्या तलवारी, विविध प्रकारचे भाले यांचा समावेश होता. अशा स्वरुपातील ऐतिहासिक शस्त्रांचे प्रदर्शन ‘याची देही याची डोळा’चा अनुभव घेत तरुणाई भारावून गेली होती.