घरात अचानक झाला तब्बल ३ सिलेंडरचा स्फोट; अमरावतीतील दुर्घटनेत ५ जखमी

अमरावती : अचलपूर येथील एका घरात तब्बल तीन सिलेंडरचा स्फोट झाल्याची घटना शुक्रवारी घडली. या दुर्घटनेत तीन जण गंभीर जखमी झाले असून दोघांना किरकोळ जखम झाली आहे. भीषण स्फोटामुळे घराचे दार आणि खिडक्या तसंच घरात ठेवलेल्या सर्व वस्तू जळून खाक झाल्या आहेत. सार्मासपुरा पोलीस स्टेशन अंतर्गत येणाऱ्या सवाईपुरा येथे ही घटना घडली.

मिळालेल्या माहितीनुसार, सवाईपुरा येथे राहणाऱ्या नागुलकर कुटुंबाच्या घरात अचानक एकामागोमाग एक अशा तीन सिलेंडरचा स्फोट झाला. या घटनेत रुपाली अनिल नागुलकर, अरुण अनिल नागुलकर (वय, ५ वर्ष) आणि राजेश नागुलकर हे गंभीररित्या भाजले आहेत. तसंच अनिल नागुलकर आणि वसंत गोविंद ढगे यांनी किरकोळ जखम झाली आहे. या दुर्घटनेतील गंभीर जखमींना उपचारासाठी परतवाडा येथील संजीवनी रुग्णालयात दाखल करण्यात आलं असून किरकोळ जखमींवर उपजिल्हा रुग्णालय अचलपूर येथे उपचार सुरू आहेत.

Mumbai Monsoon 2022 : मुंबईत कधी दाखल होणार मान्सून? पावसाचं स्वरुप कसं असेल ?

दरम्यान, या घटनेने सवाईपुरा परिसरात मोठी खळबळ उडाली. स्फोटाबाबत माहिती मिळताच पोलीस आणि तहसील विभागाच्या अधिकाऱ्यांनी घटनास्थळी भेट देऊन पाहणी केली.