अमरावती: राज्यात शिंदे-फडणवीस सरकार सत्तेत आल्यापासून वादग्रस्त वक्तव्यांमुळे चर्चेत असलेले आरोग्यमंत्री तानाजी सावंत सध्या अमरावती जिल्ह्याच्या दौऱ्यावर आहेत. यावेळी घडलेल्या एका प्रसंगामुळे तानाजी सावंत पुन्हा एकदा चर्चेत आले आहेत. अमरावतीचा दौरा करत असताना तानाजी सावंत (Tanaji Sawant) यांनी शनिवारी आपल्या गाडीतून दोन मुलींना घरी सोडले. या शाळकरी मुलींची बस चुकली. नेमक्या त्याचवेळी तानाजी सावंत हे सलोना गावाजवळून जात होते. या मुलींना पाहून तानाजी सावंत यांनी या मुलींना आपल्या गाडीतून घरी सोडण्याचा निर्णय घेतला. त्यानंतर तानाजी सावंत हे बोरी गावात गेले आणि या दोन मुलींना त्यांच्या घरी सोडले. (Tanaji Sawant in Amravati) राज्याचे आरोग्यमंत्री आलेले पाहून याठिकाणी गावकरी मोठ्या संख्येने जमले. यावेळी गावातील लोक आणि तेथील म्हशीचा गोठा पाहून तानाजी सावंत यांच्या जुन्या आठवणी जाग्या झाल्या. त्यामुळे नकळत तानाजी सावंत गहिवरले आणि त्यांच्या डोळ्यातून अश्रू वाहू लागले. तानाजी सावंत भावूक झाल्याचे पाहून प्रसारमाध्यमांचे प्रतिनिधी त्यांची छबी टिपण्यासाठी पुढे सरसावले. यावेळी तानाजी सावंत यांना प्रतिक्रिया विचारण्यात आली. तेव्हा त्यांनी शाळकरी मुलींकडे पाहून म्हटले की, माझे बालपणीचे दिवसही असेच होते. मी अशाच हालअपेष्टांचा सामना आणि कठोर तपश्चर्या करुन या पदावर पोहोचलो आहे. त्यामुळे आज तसेच वातावरण पाहून माझे मन भरून आल्याचे तानाजी सावंत यांनी सांगितले.
आदिवासी बालकांना तानाजी सावंतांनी वाटली चॉकलेटस्
तानाजी सावंत दोन दिवसीय अमरावती मेळघाट दौऱ्यावर होते. त्यांनी अनेक दुर्गम भागाची पाहणी केली. यावेळी त्यांनी उपस्थित लहान मुलांशी संवाद साधला. यावेळी त्यांनी एका लहान मुलाला कडेवर उचलून घेतले. या मुलाला तानाजी सावंतांनी आपल्या खिशातील चॉकलेटही दिले. त्यांचा हा व्हिडिओ सोशल मीडियावर व्हायरल होत आहे.
आदिवासी बालकांना तानाजी सावंतांनी वाटली चॉकलेटस्
तानाजी सावंत दोन दिवसीय अमरावती मेळघाट दौऱ्यावर होते. त्यांनी अनेक दुर्गम भागाची पाहणी केली. यावेळी त्यांनी उपस्थित लहान मुलांशी संवाद साधला. यावेळी त्यांनी एका लहान मुलाला कडेवर उचलून घेतले. या मुलाला तानाजी सावंतांनी आपल्या खिशातील चॉकलेटही दिले. त्यांचा हा व्हिडिओ सोशल मीडियावर व्हायरल होत आहे.