म. टा. वृत्तसेवा, अमरावती
सेवानिवृत्त शिक्षिकेचा तिच्या घरात गळा आवळून खून करण्यात आल्याची खळबळजनक घटना समोर आली आहे. स्थानिक छत्री तलाव मार्गावरील जलारामनगर परिसरातील गल्ली क्रमांक तीनमध्ये ही घटना घडली. एकट्या राहणाऱ्या महिलेच्या या हत्येमुळे शहरात खळबळ उडाली आहे. शैलजा प्रकाश निलंगे (६१) असे हत्या झालेल्या महिलेचे नाव आहे.
शैलजा यांच्या घरात भाड्याने राहत असलेल्या कापड व्यावसायिक धीरज शिंदे याला घराचे दार बंद दिसले. उशीर होऊनदेखील त्यांनी दार उघडले नव्हते. धीरजने त्यांचे दार ठोठावले परंतु दार उघडले गेले नाही. त्यामुळे त्याने काही अंतरावरील प्रतिभा कॉलनी येथे राहणाऱ्या त्यांच्या बहीण प्रतिभा हेगू यांना माहिती दिली. प्रतिभा आणि त्यांच्या कुटुंबीयांनी शैलजा यांचे घर गाठले. घटनेची माहिती पोलिसांना देण्यात आली. घराच्या मागील दारातून प्रवेश करण्यात आला असता घरातील बिछान्यावर शैलजा मृतावस्थेत पडल्या होत्या. घटनेची माहिती मिळताच फ्रेजरपुरा पोलिस घटनास्थळी दाखल झाले. शैलजा यांच्या हत्येची वार्ता पसरताच त्यांच्या घराबाहेर नागरिकांची मोठी गर्दी जमली होती.
दरम्यान, धीरज शिंदे व परिसरातील नागरिकांनी पोलिसांना दिलेल्या माहितीनुसार शैलेजा या मंगळवारी रात्री ११.३० पर्यंत जाग्या होत्या. काही वेळ त्या फोनवरदेखील बोलत होत्या. रात्री त्यांच्या घरातील टीव्हीचा आवाज अधिक होता. परंतु त्यानंतर सकाळी त्यांच्या हत्येची माहिती नागरिकांना मिळाली. शैलजा यांच्या घराशेजारी त्यांचे बंधू प्रमोद मस्के यांचे घर असून त्याठिकाणी सहा मुले भाड्याने राहतात. यातील दोन मुले रात्रीपासून खोलीवर नाहीत. गुन्हे शाखेने यातील चार जणांना ताब्यात घेवून चौकशी सुरू केली आहे. शैलजा यांनी तीन दिवसांपूर्वीच त्यांचा ६१वा वाढदिवस साजरा केला होता.
ठसे तज्ज्ञ व श्वान पथक दाखल
शैलजा निलंगे यांच्या हत्येचा तपास करण्यासाठी श्वान पथक व ठसे तज्ज्ञांना पाचारण करण्यात आले. परंतु श्वान केवळ घरात फिरत होते. त्यामुळे पोलिसांना तपासाची दिशा मिळू शकली नाही.
धारिया हत्याकांडाच्या आठवणी ताज्या
दोन वर्षांपूर्वी किशोरनगर येथील मधुमालती धारिया हत्याकांडाची घटना घडली होती. पोलिस आयुक्त दत्तात्रय मंडलिक यांनी त्यांच्या पदाची सूत्रे स्वीकारल्यानंतर दुसऱ्या दिवशी ही घटना घडली होती. शैलजा निलंगे यांच्या हत्येमुळे मधुमालती धारिया यांच्या हत्येच्या आठवणी ताज्या झाल्या आहेत. त्यापूर्वी स्थानिक बसस्थानक मार्गावर एका घरात राहणाऱ्या पुतुल बोस यांचीही अशाच प्रकारे हत्या करण्यात आली होती. यातील मधुमालती धारिया यांच्या हत्याकांडातील आरोपी अद्याप मोकाट आहेत. त्यांच्या हत्येचे कारण व मारेकऱ्यांचा शोध लागलेला नाही.
सेवानिवृत्त शिक्षिकेचा तिच्या घरात गळा आवळून खून करण्यात आल्याची खळबळजनक घटना समोर आली आहे. स्थानिक छत्री तलाव मार्गावरील जलारामनगर परिसरातील गल्ली क्रमांक तीनमध्ये ही घटना घडली. एकट्या राहणाऱ्या महिलेच्या या हत्येमुळे शहरात खळबळ उडाली आहे. शैलजा प्रकाश निलंगे (६१) असे हत्या झालेल्या महिलेचे नाव आहे.
शैलजा यांच्या घरात भाड्याने राहत असलेल्या कापड व्यावसायिक धीरज शिंदे याला घराचे दार बंद दिसले. उशीर होऊनदेखील त्यांनी दार उघडले नव्हते. धीरजने त्यांचे दार ठोठावले परंतु दार उघडले गेले नाही. त्यामुळे त्याने काही अंतरावरील प्रतिभा कॉलनी येथे राहणाऱ्या त्यांच्या बहीण प्रतिभा हेगू यांना माहिती दिली. प्रतिभा आणि त्यांच्या कुटुंबीयांनी शैलजा यांचे घर गाठले. घटनेची माहिती पोलिसांना देण्यात आली. घराच्या मागील दारातून प्रवेश करण्यात आला असता घरातील बिछान्यावर शैलजा मृतावस्थेत पडल्या होत्या. घटनेची माहिती मिळताच फ्रेजरपुरा पोलिस घटनास्थळी दाखल झाले. शैलजा यांच्या हत्येची वार्ता पसरताच त्यांच्या घराबाहेर नागरिकांची मोठी गर्दी जमली होती.
दरम्यान, धीरज शिंदे व परिसरातील नागरिकांनी पोलिसांना दिलेल्या माहितीनुसार शैलेजा या मंगळवारी रात्री ११.३० पर्यंत जाग्या होत्या. काही वेळ त्या फोनवरदेखील बोलत होत्या. रात्री त्यांच्या घरातील टीव्हीचा आवाज अधिक होता. परंतु त्यानंतर सकाळी त्यांच्या हत्येची माहिती नागरिकांना मिळाली. शैलजा यांच्या घराशेजारी त्यांचे बंधू प्रमोद मस्के यांचे घर असून त्याठिकाणी सहा मुले भाड्याने राहतात. यातील दोन मुले रात्रीपासून खोलीवर नाहीत. गुन्हे शाखेने यातील चार जणांना ताब्यात घेवून चौकशी सुरू केली आहे. शैलजा यांनी तीन दिवसांपूर्वीच त्यांचा ६१वा वाढदिवस साजरा केला होता.
ठसे तज्ज्ञ व श्वान पथक दाखल
शैलजा निलंगे यांच्या हत्येचा तपास करण्यासाठी श्वान पथक व ठसे तज्ज्ञांना पाचारण करण्यात आले. परंतु श्वान केवळ घरात फिरत होते. त्यामुळे पोलिसांना तपासाची दिशा मिळू शकली नाही.
धारिया हत्याकांडाच्या आठवणी ताज्या
दोन वर्षांपूर्वी किशोरनगर येथील मधुमालती धारिया हत्याकांडाची घटना घडली होती. पोलिस आयुक्त दत्तात्रय मंडलिक यांनी त्यांच्या पदाची सूत्रे स्वीकारल्यानंतर दुसऱ्या दिवशी ही घटना घडली होती. शैलजा निलंगे यांच्या हत्येमुळे मधुमालती धारिया यांच्या हत्येच्या आठवणी ताज्या झाल्या आहेत. त्यापूर्वी स्थानिक बसस्थानक मार्गावर एका घरात राहणाऱ्या पुतुल बोस यांचीही अशाच प्रकारे हत्या करण्यात आली होती. यातील मधुमालती धारिया यांच्या हत्याकांडातील आरोपी अद्याप मोकाट आहेत. त्यांच्या हत्येचे कारण व मारेकऱ्यांचा शोध लागलेला नाही.