weather update : सूर्यही डिप्रेशनमध्ये!; विदर्भात 'या' ठिकाणी अवकाळी बरसणार, हवामान शास्त्रज्ञांची माहिती

अमरावती : गेल्या काही वर्षांच्या तुलनेत यंदा सूर्याच्या झळा अधिक तापदायक ठरत आहेत. शेतीसह सर्वसामान्यांच्या जगण्यावर याचा मोठा परिणाम झाला आहे. पृथ्वीवरील बदलत्या हवामानामुळे सूर्यही डिप्रेशनमध्ये आला असल्याची माहिती हवामान शास्त्रज्ञ अनिल बंड यांनी दिली आहे.

विदर्भ, तेलंगण, रायलसीमा आणि तामिळनाडूच्या काही भागांवर ९०० मिटर उंचीवर कमी दाबाची द्रोणिय स्थिती/खंडित वारे; कायम आहेत. आज बंगालच्या उपसागरात चक्राकार वारे निर्माण होण्याची शक्यता आहे आणि ०६ मे रोजी कमी दाबाचे क्षेत्र निर्माण होऊ शकते. ७ मे रोजी याची तीव्रता वाढून डीप्रेशन तयार होण्याची शक्यता आहे, असं मत हवामान शास्त्रज्ञांनी व्यक्त केलं आहे.

हवामानाच्या वरिल परिस्थितीमुळे विदर्भात पुढील ०२ दिवस तापमानात विशेष बदल होणार नाही. पण त्यानंतर कमाल तापमानात २-३ अंशाने वाढ होण्याची शक्यता आहे.

विदर्भात तापमानाचा पारा 45 पार, हवामान शास्त्रज्ञांनी सांगितलं महत्त्वाचं कारण

विदर्भातील 'या' भागांत पावसाची शक्यता

नागपूर, वर्धा, भंडारा, गोंदिया, चंद्रपूर आणि गडचिरोलीत गडगडाटासह तुरळक ठिकाणी पावसाची शक्यता आहे. ५ मे ते १० मे दरम्यान कोरडे वातावरण राहील. ६ मे नंतर तापमान वाढेल. ५ मे रोजी अकोला, चंद्रपूरमध्ये उष्णतेची लाट राहील. ०६ ते ०८ मे अकोला चंद्रपूर वर्धा उष्णतेची लाट राहील. ०६ मे पासून संपूर्ण विदर्भातील कमाल तापमान वाढलेले राहील राहील, अशी शक्यता हवामान शास्त्रज्ञांनी वर्तविली आहे.