म.टा. वृत्तसेवा, यवतमाळ
जिल्हा परिषद, पंचायत समिती निवडणुकीसाठी योग्य ती माहिती निवडणूक कार्यालयाला न कळवता कामात दुर्लक्ष केल्याबद्दल उमरखेड येथील उपर पैनगंगा प्रकल्प विभागाचे उपअभियंता कोंडाजी रामजी घनचेकर व लिपिक प. न. जमदाडे यांना जिल्हा निवडणूक निर्णय अधिकारी तथा जिल्हाधिकारी सचिंद्रप्रताप सिंग यांना निलंबित केले आहे.
जिल्हा परिषद निवडणुकीसाठी विविध विभागातील अधिकारी व लिपिक यांची यादी जिल्हा निवडणूक अधिकाऱ्यांनी डिसेंबर महिन्यात मागितली होती. त्याप्रमाणे उमरखेड येथील अपर पैनगंगा प्रकल्प उपविभागीय कार्यालयाकडेही यादी मागण्यात आली. मात्र, या कार्यालयाने दिलेल्या वेळेत माहिती पाठवली नाही. तसेच पाठविलेली माहितीही अर्धवट व काहींची नावे वगळलेली होती. याबाबत उमरखेड येथील निवडणूक अधिकाऱ्यांनी या कार्यालयाचे उपअभियंता कोंडाजी घनचेकर यांना कारणे दाखवा नोटीस पाठवली. मात्र, त्या नोटीसलाही घनचेकर यांनी योग्य उत्तर दिले नाही. त्यामुळे उमरखेड निवडणूक अधिकाऱ्यांनी याची तक्रार जिल्हा निवडणूक निर्णय अधिकाऱ्यांकडे पाठवली. या तक्रारीची दखल घेत निवडणूक कामात हयगय केल्याप्रकरणी व कर्तव्यात कसूर केल्याचा ठपका ठेवत जिल्हा निवडणूक निर्णय अधिकारी सिंग यांनी उपअभियंता घनचेकर व लिपिक जमदाडे यांना तत्काळ निलंबित केले.
जिल्हा परिषद, पंचायत समिती निवडणुकीसाठी योग्य ती माहिती निवडणूक कार्यालयाला न कळवता कामात दुर्लक्ष केल्याबद्दल उमरखेड येथील उपर पैनगंगा प्रकल्प विभागाचे उपअभियंता कोंडाजी रामजी घनचेकर व लिपिक प. न. जमदाडे यांना जिल्हा निवडणूक निर्णय अधिकारी तथा जिल्हाधिकारी सचिंद्रप्रताप सिंग यांना निलंबित केले आहे.
जिल्हा परिषद निवडणुकीसाठी विविध विभागातील अधिकारी व लिपिक यांची यादी जिल्हा निवडणूक अधिकाऱ्यांनी डिसेंबर महिन्यात मागितली होती. त्याप्रमाणे उमरखेड येथील अपर पैनगंगा प्रकल्प उपविभागीय कार्यालयाकडेही यादी मागण्यात आली. मात्र, या कार्यालयाने दिलेल्या वेळेत माहिती पाठवली नाही. तसेच पाठविलेली माहितीही अर्धवट व काहींची नावे वगळलेली होती. याबाबत उमरखेड येथील निवडणूक अधिकाऱ्यांनी या कार्यालयाचे उपअभियंता कोंडाजी घनचेकर यांना कारणे दाखवा नोटीस पाठवली. मात्र, त्या नोटीसलाही घनचेकर यांनी योग्य उत्तर दिले नाही. त्यामुळे उमरखेड निवडणूक अधिकाऱ्यांनी याची तक्रार जिल्हा निवडणूक निर्णय अधिकाऱ्यांकडे पाठवली. या तक्रारीची दखल घेत निवडणूक कामात हयगय केल्याप्रकरणी व कर्तव्यात कसूर केल्याचा ठपका ठेवत जिल्हा निवडणूक निर्णय अधिकारी सिंग यांनी उपअभियंता घनचेकर व लिपिक जमदाडे यांना तत्काळ निलंबित केले.