म. टा. प्रतिनिधी, औरंगाबाद
अमेरिकेतील रेड हॅट कंपनीने घेतलेल्या 'लिनक्स ओएस'च्या इंटरनॅशनल सर्टिफिकेशन परीक्षेत 'एमआयटी'मधील सर्व १६ विद्यार्थी उत्तीर्ण झाले आहे. या विद्यार्थ्यांनी एक ऑगस्टला परीक्षा दिली होती. त्यापैकी आठ विद्यार्थ्यांनी परीक्षेत ३००पैकी ३०० गुण मिळाले आहेत.
'एमआयटी'मध्ये पॉलिटेक्निक आणि अभियांत्रिकी शिक्षण घेत असताना विद्यार्थ्यांना उद्योगांसाठी लागणाऱ्या कौशल्याचे प्रशिक्षण दिले जाते. माहिती तंत्रज्ञान क्षेत्रातील नामांकित 'रेड हॅट' कंपनीतर्फे 'इंटरनॅशनल सर्टिफिकेशन'ची सुविधा आहे. त्यात लिनक्स ऑपरेटिंग सिस्टिम, क्लाउड कम्प्युटिंग, स्टोरेज सिस्टिम, ऑटोमेशन, सर्व्हर सेक्युरिटी आदींची कौशल्ये 'एमआयटी'मध्ये विद्यार्थ्यांना मिळविता येतात. रेड हॅट कंपनीचे प्रशिक्षण आणि मूल्यमापन प्रत्यक्ष प्रात्यक्षिकांवर आधारित असल्यामुळे अशा सर्टिफाइड विद्यार्थ्यांना नोकरीसाठी आणि स्वतःच्या व्यवसाय करण्यासाठी उपयोग होतो.
उत्तीर्ण झालेल्या विद्यार्थ्यांचा प्राचार्य निलेश पाटील, प्राचार्य संतोष भोसले आणि प्राचार्य सुनील देशमुख यांच्या हस्ते सत्कार करण्यात आला. या यशाबद्दल 'एमआयटी' समूहाचे महासंचालक मुनीष शर्मा यांनी विद्यार्थ्यांचे अभिनंदन केले. रेड हॅट आशिया-पॅसिफिक विभागाचे सर्टिफिकेशन मॅनेजर अरुण इप्पन यांनी शंभर टक्के निकलाबद्दल विशेष कौतुक केले.
हर्ष जैन (३०० गुण), राज चौधरी (३००), संकेत कुलकर्णी(३००), कृष्णा भिसे (३००), वैष्णवी देशपांडे(३००), शारदा जावळे (३००), तेजल गर्ग(३००), अजिंक्य इंगोले (३००), शिवानी महाले (२८३), ज्योत्स्ना मुळे (२८३), गीतिका शहापूरकर(२८३), सुमित काळवे (२८३), गणेश पांचाळ (२६७), प्राज्ज्वल देशपांडे(२६७), सचिन जंघाळे (२८३), शुभम तरवटे (२६७) यांनी 'रेड हॅट सर्टिफाइड सिस्टिम अॅडमिनिस्ट्रेटर'चे 'सर्टिफिकेशन' मिळविले आहे. प्रा, बी एन क्षीरसागर यांनी रेड हॅट कंपनीचे प्रशिक्षण विद्यार्थ्यांना दिले.
या कार्यक्रमास कम्प्युटर सायन्स विभागप्रमुख डॉ. राधाकृष्ण नाईक, डॉ. स्मिता कासार, ट्रेनिंग प्लेसमेन्ट ऑफिसर प्रा. भक्ती अहिरवाडकर, पॉलिटेक्निक कम्प्युटर सायन्स विभागाचे प्रमुख प्रा. रवी देशपांडे, मेकॅनिकल विभागप्रमुख प्रा. किशोर पाटील, प्रा. रवींद्र पाटील, प्रा. दैवशाला देशमुख, प्रा. प्रशांत खोसरे, प्रा. सुरेश भवर, प्रा. राखी दीक्षित, प्रा. प्रिया पाटील यांची उपस्थिती होती. प्रा. प्रमोद सूर्यवंशी यांनी सूत्रसंचाल केले व आभार मानले.