म. टा. प्रतिनिधी, वैजापूर
जनसामान्यांना मोफत आरोग्य सुविधा मिळाव्यात या उद्देशाने शहरातील प्रभाग क्रमांक ११मध्ये रमजान ईद व महाराणा प्रतापसिंह जयंतीनिमित्त भारतीय जनता पक्ष, औरंगाबाद येथील जे. जे. प्लस हॉस्पिटल, नाशिक येथील तुलसी आय हॉस्पिटल व इंडिया हेल्थलाइनतर्फे शुक्रवारी सर्व रोग तपासणी शिबिर घेण्यात आले. शिबिरात १७० जणांची नेत्र, हृदय रोग, मधुमेह, हिमोग्लोबीन व रक्तदाब तपासणी करण्यात आली. तसेच रुग्णांना औषधे सुचवण्यात आले. वैजापूर विकास मंचचे अध्यक्ष जे. के.जाधव, नगराध्यक्षा शिल्पा परदेशी, जे. जे. प्लस हॉस्पिटलचे डॉ. जीवन राजपूत यांनी शिबिराचे उद्घाटन केले. प्रास्ताविक धोंडिरामसिंह राजपूत यांनी केले. आयोजक दिनेश राजपूत, राजेश गायकवाड, दशरथ बनकर, नगरसेविका जयश्री राजपूत, संगीता गायकवाड यांनी पाहुण्यांचे स्वागत केले.