नांदेड : प्रेम प्रकरणातून जन्माला आलेल्या दोन वर्षीय चिमुकल्याला रागाच्या भरात विवाहितेने कंटेनरखाली फेकून दिल्याने त्याचा चिरडून मृत्यू झाल्याची ह्दयद्रावक घटना घडली आहे.
हिंगोली जिल्ह्यातील डोंगरकडा येथे राहणाऱ्या एका विवाहितेला पतीपासून सन २०१६ मध्ये एक मुलगाही झाला. त्यानंतर पतीचे नातेवाईक असलेल्या नांदेड तालुक्यातील बोंडार येथील एका तरुणाकडे तिचे येणे-जाणे सुरू झाले. त्यातून त्यांचे प्रेमप्रकरण रंगले. या अनैतीक संबंधातून सन २०१८ मध्ये तिला दुसरा मुलगा झाला. या प्रेम प्रकरणाची माहिती तिच्या पतीलाही मिळाली होती. आमच्या संबंधातून हा मुलगा झाल्याची बाब तिच्या पतीला दोघांनीही सांगितली. पतीनेही त्यांचे प्रेमसंबंध मान्य केले. याउपरही या विवाहितेच्या पतीने स्वत:चे व पत्नीच्या प्रियकराच्या मुलाचे संगोपन सुरू ठेवले होते. संबंधीत विवाहिता व तिच्या प्रियकराचे भांडण झाले आणि हे प्रकरण गतवर्षी आखाडा बाळापूर पोलिस ठाण्यात पोहोचले. तेव्हापासून तिचा प्रियकर डोंगरकड्याला येत नव्हता. मात्र, १८ मे रोजी प्रियकराने या विवाहितेच्या पतीला फोन केला आणि तुझा, माझा मुलगा व तुझ्या पत्नीला बोंढारला आणून सोड असे बजावले. त्याने ही बाब पत्नीला सांगितली. दोघेही आपल्या दोन्ही मुलांना घेऊन २१ मे रोजी बोंढार येथे पोहोचले. बोंढारमध्ये काही नातेवाईकांनाही बोलावून घेण्यात आले आणि आम्ही माझा मुलगा व प्रेयसीला ठेवून घेणार आहोत, असे प्रियकराने सांगितले. २२ मे रोजी सकाळी उठून या विवाहितेचा पती डोंगरकड्याला निघाला असता प्रियकराने मी कुणाचाही सांभाळ करणार नाही, तुम्ही घेऊन जा असे सांगितले. त्यामुळे विवाहिता, मुलगा व पती हे गावाकडे जाण्यासाठी पायी निघाले. बोंढार बायपासवर येताच विवाहितेला राग अनावर झाला आणि तिने समोरुन आलेल्या कंटेनरखाली दोन वर्षीय चिमुकल्याला फेकून दिले. या घटनेत हा चिमुकला ठार झाला. हा चिमुकला या विवाहितेला प्रियकरापासून झालेला होता. या घटनेनंतर हादरलेल्या पतीने नांदेड ग्रामीण पोलिस ठाण्यात आपबीती कथन करीत तक्रार नोंदविली. त्यानुसार त्याच्या पत्नीविरुध्द विविध कलमान्वये गुन्हा दाखल करण्यात आला.
हिंगोली जिल्ह्यातील डोंगरकडा येथे राहणाऱ्या एका विवाहितेला पतीपासून सन २०१६ मध्ये एक मुलगाही झाला. त्यानंतर पतीचे नातेवाईक असलेल्या नांदेड तालुक्यातील बोंडार येथील एका तरुणाकडे तिचे येणे-जाणे सुरू झाले. त्यातून त्यांचे प्रेमप्रकरण रंगले. या अनैतीक संबंधातून सन २०१८ मध्ये तिला दुसरा मुलगा झाला. या प्रेम प्रकरणाची माहिती तिच्या पतीलाही मिळाली होती. आमच्या संबंधातून हा मुलगा झाल्याची बाब तिच्या पतीला दोघांनीही सांगितली. पतीनेही त्यांचे प्रेमसंबंध मान्य केले. याउपरही या विवाहितेच्या पतीने स्वत:चे व पत्नीच्या प्रियकराच्या मुलाचे संगोपन सुरू ठेवले होते. संबंधीत विवाहिता व तिच्या प्रियकराचे भांडण झाले आणि हे प्रकरण गतवर्षी आखाडा बाळापूर पोलिस ठाण्यात पोहोचले. तेव्हापासून तिचा प्रियकर डोंगरकड्याला येत नव्हता. मात्र, १८ मे रोजी प्रियकराने या विवाहितेच्या पतीला फोन केला आणि तुझा, माझा मुलगा व तुझ्या पत्नीला बोंढारला आणून सोड असे बजावले. त्याने ही बाब पत्नीला सांगितली. दोघेही आपल्या दोन्ही मुलांना घेऊन २१ मे रोजी बोंढार येथे पोहोचले. बोंढारमध्ये काही नातेवाईकांनाही बोलावून घेण्यात आले आणि आम्ही माझा मुलगा व प्रेयसीला ठेवून घेणार आहोत, असे प्रियकराने सांगितले. २२ मे रोजी सकाळी उठून या विवाहितेचा पती डोंगरकड्याला निघाला असता प्रियकराने मी कुणाचाही सांभाळ करणार नाही, तुम्ही घेऊन जा असे सांगितले. त्यामुळे विवाहिता, मुलगा व पती हे गावाकडे जाण्यासाठी पायी निघाले. बोंढार बायपासवर येताच विवाहितेला राग अनावर झाला आणि तिने समोरुन आलेल्या कंटेनरखाली दोन वर्षीय चिमुकल्याला फेकून दिले. या घटनेत हा चिमुकला ठार झाला. हा चिमुकला या विवाहितेला प्रियकरापासून झालेला होता. या घटनेनंतर हादरलेल्या पतीने नांदेड ग्रामीण पोलिस ठाण्यात आपबीती कथन करीत तक्रार नोंदविली. त्यानुसार त्याच्या पत्नीविरुध्द विविध कलमान्वये गुन्हा दाखल करण्यात आला.