म. टा. प्रतिनिधी ,औरंगाबाद
लातूर येथील स्वातंत्र्यवीर वि. दा. सावरकर मल्टी स्टेट कॉ. ऑप क्रेडिट सोसायटीत ८४ लाखांचा गैरव्यवहार केल्याप्रकरणी दाखल असलेल्या गुन्ह्यात अटकेत असलेल्या तिन्ही आरोपींची प्रथमवर्ग न्यायदंडाधिकारी यांनी हर्सूल कारागृहात रवानगी करण्याचे आदेश दिले. चेअरमन प्रमोद बालाजी निमसे आणि गणेश थोरात आणि जयपालदास गिरधारीलाल साहित्या अशी त्यांची नावे आहेत.
आरोपींविरोधात जवाहरनगर पोलिस ठाण्यात सोसायटीच्या संचालक मंडळावर ८४ लाखांचा गैरव्यवहार केल्याप्रकरणी फसवणुकीचा गुन्हा दाखल आहे. या गुन्ह्यातील तीन आरोपींना आतापर्यंत अटक करण्यात आली आहे. जळगाव येथील व्यापारी जयपालदास गिरधारीलाल साहित्या यांनी याप्रकरणी ११ फेब्रवारी रोजी तक्रार दाखल केली होती. डीडी काढण्यासाठी दिलेल्या ८४ लाखांचा गैरव्यवहार केल्याचा आरोप त्यांच्यावर आहे. या प्रकरणी साहित्या यांच्याविरुद्ध सोसायटीच्या संचालक मंडळामधील चंद्रकांत बदकुलवार, रवींद्र जाधव, विजय त्रिंबक केंद्रे, भुजंग पवार, प्रमोद बालाजी निमसे, गणेश थोरात यांच्यासह सोसायटीचे इतर सदस्य व संचालकाविरुद्ध फसवणूक, अपहार, कट रचणे आदी कलमानुसार गुन्हा दाखल करण्यात आला होता. गुन्हा दाखल झाल्यानंतर सोसायटीचे सरव्यवस्थापक चंद्रकांत बदकुलवार यांना अटक करण्यात आली होती. बुधवारी नगर येथून चेअरमन प्रमोद बालाजी निमसे आणि गणेश थोरात यांना अटक आली. या प्रकरणी आर्थिक गुन्हे शाखेचे पोलिस निरीक्षक श्रीकांत नवले पुढील तपास करीत आहेत. या प्रकरणात सहाय्यक सरकारी वकील एस. एम. जोधळे यांनी काम पाहिले.
लातूर येथील स्वातंत्र्यवीर वि. दा. सावरकर मल्टी स्टेट कॉ. ऑप क्रेडिट सोसायटीत ८४ लाखांचा गैरव्यवहार केल्याप्रकरणी दाखल असलेल्या गुन्ह्यात अटकेत असलेल्या तिन्ही आरोपींची प्रथमवर्ग न्यायदंडाधिकारी यांनी हर्सूल कारागृहात रवानगी करण्याचे आदेश दिले. चेअरमन प्रमोद बालाजी निमसे आणि गणेश थोरात आणि जयपालदास गिरधारीलाल साहित्या अशी त्यांची नावे आहेत.
आरोपींविरोधात जवाहरनगर पोलिस ठाण्यात सोसायटीच्या संचालक मंडळावर ८४ लाखांचा गैरव्यवहार केल्याप्रकरणी फसवणुकीचा गुन्हा दाखल आहे. या गुन्ह्यातील तीन आरोपींना आतापर्यंत अटक करण्यात आली आहे. जळगाव येथील व्यापारी जयपालदास गिरधारीलाल साहित्या यांनी याप्रकरणी ११ फेब्रवारी रोजी तक्रार दाखल केली होती. डीडी काढण्यासाठी दिलेल्या ८४ लाखांचा गैरव्यवहार केल्याचा आरोप त्यांच्यावर आहे. या प्रकरणी साहित्या यांच्याविरुद्ध सोसायटीच्या संचालक मंडळामधील चंद्रकांत बदकुलवार, रवींद्र जाधव, विजय त्रिंबक केंद्रे, भुजंग पवार, प्रमोद बालाजी निमसे, गणेश थोरात यांच्यासह सोसायटीचे इतर सदस्य व संचालकाविरुद्ध फसवणूक, अपहार, कट रचणे आदी कलमानुसार गुन्हा दाखल करण्यात आला होता. गुन्हा दाखल झाल्यानंतर सोसायटीचे सरव्यवस्थापक चंद्रकांत बदकुलवार यांना अटक करण्यात आली होती. बुधवारी नगर येथून चेअरमन प्रमोद बालाजी निमसे आणि गणेश थोरात यांना अटक आली. या प्रकरणी आर्थिक गुन्हे शाखेचे पोलिस निरीक्षक श्रीकांत नवले पुढील तपास करीत आहेत. या प्रकरणात सहाय्यक सरकारी वकील एस. एम. जोधळे यांनी काम पाहिले.