corona in aurangabad : संचारबंदीनंतरही करोनाचं संकट कायम; औरंगाबादेत चौघांचा मृत्यू; ९६ नव्या रुग्णांचा भर

औरंगाबाद: कडक लॉकडाऊन आणि संचारबंदी लागू करूनही औरंगाबादवरील करोनाचं संकट कायम असून आज पुन्हा ९६ रुग्ण सापडल्याने जिल्ह्यातील करोना रुग्णांची संख्या १५ हजार ८७०वर पोहोचली आहे. तर चौघांचा मृत्यू झाल्याने मृतांची संख्या ५१३वर गेली आहे. तर आतापर्यंत ११ हजार ६७६ करोना रुग्ण करोनामुक्त झाले असून ३ हजार ६८१ रुग्णांवर उपचार सुरू आहेत.

औरंगाबादमधील अल्ताफ कॉलनीतील एका व्यक्तीला तर सिडको, बजाज नगर आणि वाळूज परिसरातील मनिषा कॉलनीतील प्रत्येकी एक अशा तीन महिलांचा मृत्यू झाला आहे. खासगी रुग्णालयात उपचार सुरू असताना या चौघांचा मृत्यू झाला आहे. त्यामुळे जिल्ह्यातील करोनाबळींची संख्या ५१३ झाली आहे. त्याचवेळी आज सकाळी जिल्ह्यात ९६ नवे बाधित आढळून आल्याने जिल्ह्यातील एकूण करोनाबाधितांची संख्या १५,८७० झाली आहे. पैकी ११,६७६ बाधित हे करोनामुक्त झाले असून, सध्या ३,६८१ बाधितांवर उपचार सुरू असल्याचे स्पष्ट झाले आहे.

शहर परिसरात ७४ बाधित

शहर परिसरातील नव्या बाधितांमध्ये समृद्धी नगर, एन-चार सिडको येथील ३, भानुदास नगर २, नारेगाव १, मधुरा नगर १, मयूर नगर १, मोची गल्ली २, क्रांती नगर १, रोकडा हनुमान कॉलनी २, जालान नगर, बन्सीलाल नगर १, शिवाजी नगर, सूतगिरणी रोड २, न्यू गणेश नगर, अहिल्या नगर चौक १, एन-सहा, सिंहगड कॉलनी, सिडको १, सैनिक नगर, पडेगाव रोड १, नक्षत्रवाडी १, शिवाजीनगर १, देशमुख नगर, गारखेडा १ मोचीवाडा, पद्मपुरा १, एकनाथ नगर १, उस्मानपुरा १, कर्णपुरा १, होनाजी नगर, जटवाडा रोड १, श्रीकृष्ण नगर, शहानूरवाडी १, जयभवानी नगर ५, बालाजी नगर २, मिलकॉर्नर १, उल्कानगरी, गारखेडा १, विद्यानिकेतन कॉलनी १, एन-सात, अयोध्या नगर ७, ब्रिजवाडी ३, माणिक नगर, नारेगाव ३, एन-दोन, जे सेक्टर २, गोलवाडी १, राजाबाजार, बालाजी मंदिर परिसर २, सौजन्य नगर १, स्वराज नगर १, शिवशंकर कॉलनी १, बुद्ध नगर ४, घाटी परिसर १, भावसिंगपुरा २, छावणी परिसर १, गंगा अपार्टमेंट परिसर, तर बेगमपुरा परिसरातील एका व्यक्तीचा समावेश आहे.

Live: राज्यात आतापर्यंत ३ लाख १६ हजार रुग्ण करोनामुक्त

ग्रामीण भागात २२ बाधित

ग्रामीण भागातील नव्या बाधितांमध्ये खुलताबाद येथील १, गणेश नगर, सिडको महानगर, बजाज नगर १, वडगाव कोल्हाटी, बजाज नगर १, पोलिस स्टेशन परिसर, वाळूज २, ओमसाई नगर, जोगेश्वरी २, लिलासन कंपनी परिसर, रांजणगाव १, फुलंब्री भाजी मंडई परिसर २, स्नेहनगर, सिल्लोड १, सिल्लोड उपविभागीय रुग्णालय परिसर १, शिवाजीनगर, सिल्लोड १, टिळक नगर, सिल्लोड २, भराडी, सिल्लोड २, बोरगाव बाजार, सिल्लोड १, तर करमाड येथील ४ व्यक्तींचा समावेश आहे.

दिलासा: मुंबईत ९२ हजारांहून अधिक रुग्ण करोनामुक्त; रिकव्हरी रेट ७७ टक्के

करोनाचं थैमान! दिवसभरात ११५१४ नवे रुग्ण, ३१६ जण दगावले