वाळूज महानगर : वाळूज एमआयडीसी येथील एका करिअर अॅकॉडमीचे विद्यार्थी प्रशिक्षणासाठी जात असताना महावीर चौकात बुधवारी (२५ जुलै) पहाटे चारच्या सुमारास पाठीमागून आलेल्या अज्ञात वाहनाच्या धडकेत एक ठार, तिघे गंभीर जखमी झाले. राहुल साहेबराव पाटील (वय २१, रा़ रायपूर, ता़ साक्री, जि. धुळे) असे मृत्युमुखी पडलेल्या विद्यार्थ्याचे नाव आहे. तीन विद्यार्थी गंभीर जखमी झाले आहेत त्यांच्यावर एका खासगी हॉस्पिटलमध्ये उपचार सुरू आहेत़ करिअर अॅकॉडमीचे विद्यार्थी पोलिस भरती व लष्कर भरतीपूर्व प्रशिक्षण घेण्यासाठी रोज पहाटे मैदानाकडे जातात़ सर्व विद्यार्थी बुधवारी पहाटे मैदानाकडे जात असताना चारच्या सुमारास हा अपघात झाला. यात चार जण जखमी झाले होते. उपचारादरम्यान गुरुवारी राहुल पाटील याचा मृत्यू झाला. वैभव बाबासाहेब काळे, शाम भागवत पंडित, विनोद माणिकराव शिंदे यांच्यावर उपचार सुरू आहेत. मृत झालेला राहुल हा शेतकरी कुटुंबातील आहे. लवकरच नोकरीला लागेल या आशेने त्याला शिक्षणासाठी पाठवले होते़ या अपघाताची तक्रार वैभव काळे यांनी वाळूज पोलिस ठाण्यात दिली असून, अज्ञात वाहनधारकावर गुन्हा दाखल करण्यात आला आहे. पुढील तपास उपनिरीक्षक चौधरी हे करत आहे.
अज्ञात वाहनाच्या धडकेत वाळूजमध्ये एक विद्यार्थी ठार
वाळूज एमआयडीसी येथील एका करिअर अॅकॉडमीचे विद्यार्थी प्रशिक्षणासाठी जात असताना महावीर चौकात बुधवारी (२५ जुलै) पहाटे चारच्या सुमारास पाठीमागून ...
Maharashtra Times 27 Jul 2018, 4:00 am