म. टा. प्रतिनिधी, औरंगाबाद
राज्य मंत्रिमंडळातील समावेशासाठी आमदार संजय शिरसाट आणि अब्दुल सत्तार यांच्यामध्ये रस्सीखेच सुरू असल्याची माहिती सूत्रांनी दिली. या दोघांनीही मुंबईत लॉबिंग सुरू केले आहे. शिवसेना पक्षप्रमुख मुख्यमंत्री उद्धव ठाकरे आपले वजन कुणाच्या पारड्यात टाकतात या बद्दल राजकीय वर्तुळात उत्सुकता आहे.
ठाकरे यांनी मुख्यमंत्रिपदाची शपथ घेतल्यावर एक महिन्याने सोमवारी (३० डिसेंबर) राज्य मंत्रिमंडळाचा विस्तार होत आहे. जिल्ह्यातून शिवसेनेच्या वाट्याला आलेल्या विधानसभेच्या सहाही जागांवर शिवसेनेचे उमेदवार निवडून आले आहेत. शिवाय एप्रिल २०२०मध्ये औरंगाबाद महापालिकेची निवडणूक होत आहे. त्यामुळे ठाकरे यांच्या मंत्रिमंडळात औरंगाबाद जिल्ह्याला स्थान मिळणार असे मानले जात आहे. मंत्रिमंडळात स्थान मिळावे म्हणून औरंगाबाद पश्चिम विधानसभा मतदारसंघाचे आमदार संजय शिरसाट आणि काँग्रेसमधून शिवसेनेत प्रवेश केलेले सिल्लोडचे आमदार अब्दुल सत्तार यांच्यात रस्सीखेच सुरू आहे. पैठणचे आमदार संदीपान भुमरे देखील मंत्रिपदाच्या स्पर्धेत आहेत, पण त्यांना एखाद्या महामंडळाचे अध्यक्षपद दिले जाईल असे सूत्रांचे म्हणणे आहे. सत्तार यांनी काँग्रेस - राष्ट्रवादी काँग्रेस आघाडीच्या सरकारमध्ये राज्यमंत्री म्हणून काम केले आहे. ठाकरे सरकारच्या मंत्रिमंडळात संधी मिळवण्यासाठी त्यांच्यासाठी ही जमेची बाजू मानली जाते.
यादी आज होणार जाहीर
शिरसाट यांनी औरंगाबाद पश्चिम विधानसभा मतदारसंघातून सलग तिसऱ्यांदा विजय मिळवला आहे. औरंगाबाद महापालिकेच्या राजकारणाशी त्यांचा घनिष्ट संबंध आहे. महापालिकेत नगरसेवक, सभागृहनेता म्हणून देखील त्यांनी काम केले आहे. एप्रिल महिन्यात होणाऱ्या महापालिका निवडणुकीच्या पार्श्वभूमीवर सत्तारांपेक्षा शिरसाटांचा उपयोग पक्षाला होऊ शकतो, त्यामुळे मंत्रिमंडळातील प्रवेशासाठी शिरसाटांचे पारडे जड असल्याचेही मानले जात आहे. सूत्रांनी दिलेल्या माहितीनुसार रविवारी (२९ डिसेंबर) सायंकाळपर्यंत मंत्रिमंडळात समावेश होऊ शकणाऱ्या आमदारांची नावे जाहीर होण्याची शक्यता आहे.
राज्य मंत्रिमंडळातील समावेशासाठी आमदार संजय शिरसाट आणि अब्दुल सत्तार यांच्यामध्ये रस्सीखेच सुरू असल्याची माहिती सूत्रांनी दिली. या दोघांनीही मुंबईत लॉबिंग सुरू केले आहे. शिवसेना पक्षप्रमुख मुख्यमंत्री उद्धव ठाकरे आपले वजन कुणाच्या पारड्यात टाकतात या बद्दल राजकीय वर्तुळात उत्सुकता आहे.
ठाकरे यांनी मुख्यमंत्रिपदाची शपथ घेतल्यावर एक महिन्याने सोमवारी (३० डिसेंबर) राज्य मंत्रिमंडळाचा विस्तार होत आहे. जिल्ह्यातून शिवसेनेच्या वाट्याला आलेल्या विधानसभेच्या सहाही जागांवर शिवसेनेचे उमेदवार निवडून आले आहेत. शिवाय एप्रिल २०२०मध्ये औरंगाबाद महापालिकेची निवडणूक होत आहे. त्यामुळे ठाकरे यांच्या मंत्रिमंडळात औरंगाबाद जिल्ह्याला स्थान मिळणार असे मानले जात आहे. मंत्रिमंडळात स्थान मिळावे म्हणून औरंगाबाद पश्चिम विधानसभा मतदारसंघाचे आमदार संजय शिरसाट आणि काँग्रेसमधून शिवसेनेत प्रवेश केलेले सिल्लोडचे आमदार अब्दुल सत्तार यांच्यात रस्सीखेच सुरू आहे. पैठणचे आमदार संदीपान भुमरे देखील मंत्रिपदाच्या स्पर्धेत आहेत, पण त्यांना एखाद्या महामंडळाचे अध्यक्षपद दिले जाईल असे सूत्रांचे म्हणणे आहे. सत्तार यांनी काँग्रेस - राष्ट्रवादी काँग्रेस आघाडीच्या सरकारमध्ये राज्यमंत्री म्हणून काम केले आहे. ठाकरे सरकारच्या मंत्रिमंडळात संधी मिळवण्यासाठी त्यांच्यासाठी ही जमेची बाजू मानली जाते.
यादी आज होणार जाहीर
शिरसाट यांनी औरंगाबाद पश्चिम विधानसभा मतदारसंघातून सलग तिसऱ्यांदा विजय मिळवला आहे. औरंगाबाद महापालिकेच्या राजकारणाशी त्यांचा घनिष्ट संबंध आहे. महापालिकेत नगरसेवक, सभागृहनेता म्हणून देखील त्यांनी काम केले आहे. एप्रिल महिन्यात होणाऱ्या महापालिका निवडणुकीच्या पार्श्वभूमीवर सत्तारांपेक्षा शिरसाटांचा उपयोग पक्षाला होऊ शकतो, त्यामुळे मंत्रिमंडळातील प्रवेशासाठी शिरसाटांचे पारडे जड असल्याचेही मानले जात आहे. सूत्रांनी दिलेल्या माहितीनुसार रविवारी (२९ डिसेंबर) सायंकाळपर्यंत मंत्रिमंडळात समावेश होऊ शकणाऱ्या आमदारांची नावे जाहीर होण्याची शक्यता आहे.