औरंगाबाद ः भारतीय जनता पक्षाचे प्रदेशाध्यक्ष खासदार रावसाहेब दानवे यांनी शेतकऱ्यांना उद्देशून ‘साले’ असा अपमानजनक शब्द वापरला. या असंवेदनशील वक्तव्याचे राज्यभर पडसाद उमटले आहेत. स्टुडंट्स फेडरेशन ऑफ इंडियाच्या वतीने शुक्रवारी सायंकाळी डॉ. बाबासाहेब आंबेडकर मराठवाडा विद्यापीठाच्या प्रवेशद्वारावर जोरदार निदर्शने करण्यात आली. यावेळी दानवे यांना विद्यापीठात शिकत असलेल्या शेतकऱ्यांच्या मुलांनी ‘गांडूळ’ पदवी दिली. शेतकऱ्यांचा मुलगा म्हणवणारे दानवे शेतकऱ्यांचा अत्यंत खालच्या शब्दात अपमान करतात. या वक्तव्याचा तीव्र निषेध करीत असल्याचे आंदोलकांनी सांगितले. या आंदोलनात ‘एसएफआय’चे राज्य उपाध्यक्ष सुनील राठोड, लोकेश कांबळे, सत्यजीत म्हस्के, प्राजक्ता शेटे, कुणाल गायकवाड, रवी वाहूळ, राहुल खंडारे, ज्ञानेश्वर पांचाळ, सिद्धार्थ गायकवाड आदी कार्यकर्ते सहभागी झाले.
‘गांडूळ’ पदवीने दानवेंचा निषेध
भारतीय जनता पक्षाचे प्रदेशाध्यक्ष खासदार रावसाहेब दानवे यांनी शेतकऱ्यांना उद्देशून ‘साले’ असा अपमानजनक शब्द वापरला. या असंवेदनशील वक्तव्याचे राज्यभर पडसाद उमटले आहेत. स्टुडंट्स फेडरेशन ऑफ इंडियाच्या वतीने शुक्रवारी सायंकाळी डॉ. बाबासाहेब आंबेडकर मराठवाडा विद्यापीठाच्या प्रवेशद्वारावर जोरदार निदर्शने करण्यात आली.
Maharashtra Times 13 May 2017, 3:00 am