देशात प्रामाणिकतेचा पुरावा मागितला जातोय: इम्तियाज जलील

औरंगाबाद : देशातील राजकीय वातावरण व परिस्थिती पाहता देशाला कमकुवत करण्याचा प्रयत्न केला जात असल्याचे चित्र आहे. आज देशामध्ये प्रामाणिकतेचा पुरावा मागितला जात आहे. देशात सध्या प्रचंड महागाई, रोजगाराचे प्रश्न असताना यावर कुणीच बोलायला तयार नाही, सत्ताधारी संख्याबळाच्या जोरावर निर्णय घेत असून देशाला पाकिस्तान सारखं बनवण्यात येत असल्याचे प्रतिपादन खासदार इम्तियाज जलील यांनी केले.

मुस्लिम मराठी साहित्य सांस्कृतिक मंडळ व प्रगतिशील लेखक संघ आयोजित डॉ. शेख इक्बाल मिन्ने यांच्या 'मी टेकले नाही हात अजून' या काव्यसंग्रहाचे प्रकाशन रविवारी (२९ डिसेंबर) जलील यांच्या हस्ते करण्यात आले. यावेळी ते बोलत होते. कार्यक्रमाच्या अध्यक्षस्थानी प्रा. डॉ. प्रल्हाद लुलेकर, प्रगतीलश लेखक संघाचे अध्यक्ष डॉ. सुधाकर शेंडगे, प्राचार्य प्रतापराव बोराडे यांची उपस्थिती होती.