म. टा. प्रतिनिधी, औरंगाबाद
नियमित पाणीपुरवठा करावा या मागणीसाठी भारतीय कम्युनिस्ट पक्षातर्फे शुक्रवारी महापालिकेसमोर निदर्शने करण्यात आली. या निदर्शनात महिला डोक्यावर हंडे घेऊन सामील झाल्या होत्या.
वॉर्ड क्रमांक ५४ बापूनगर भागात शेवटच्या गल्लीत नियमित पाणीपुरवठा करावा, नवीन ड्रेनेज लाइन टाकावी, या परिसरात घंटागाडी नियमित पाठवावी, पथदिवे सुरू करावेत, अंतर्गत रस्ते सिमेंटचे करावेत, अशी कार्यकर्त्यांची मागणी होती. त्याचप्रमाणे पहाडसिंगपुरा, रेणुकामातानगर, ताजमहाल कॉलनी या भागातील नागरिकांना पिण्याच्या पाण्याच्या समस्येला सामोरे जावे लागते. या संपूर्ण परिसरात नियमित पाणीपुरवठा करण्यात यावा, या भागातील भटक्या कुत्र्यांचा बंदोबस्त करावा, पथदिवे सुरू करावेत या मागण्यांसाठी कार्यकर्त्यांनी निदर्शने केली. या आंदोलनाचे नेतृत्व भारतीय कम्युनिस्ट पक्षाचे शाखा सचिव अॅड. अभय टाकसाळ यांनी केले. यावेळी उज्ज्वला नरवडे, पुष्पाबाई निरारे, सरलाबाई म्हस्के, नीता खरात, शशिकला प्रधान, कमलाबाई किर्तीशाही, सुनिता प्रधान, सुनिता होर्शिळ आदी कार्यकर्ते सहभागी झाले होते.
नियमित पाणीपुरवठा करावा या मागणीसाठी भारतीय कम्युनिस्ट पक्षातर्फे शुक्रवारी महापालिकेसमोर निदर्शने करण्यात आली. या निदर्शनात महिला डोक्यावर हंडे घेऊन सामील झाल्या होत्या.
वॉर्ड क्रमांक ५४ बापूनगर भागात शेवटच्या गल्लीत नियमित पाणीपुरवठा करावा, नवीन ड्रेनेज लाइन टाकावी, या परिसरात घंटागाडी नियमित पाठवावी, पथदिवे सुरू करावेत, अंतर्गत रस्ते सिमेंटचे करावेत, अशी कार्यकर्त्यांची मागणी होती. त्याचप्रमाणे पहाडसिंगपुरा, रेणुकामातानगर, ताजमहाल कॉलनी या भागातील नागरिकांना पिण्याच्या पाण्याच्या समस्येला सामोरे जावे लागते. या संपूर्ण परिसरात नियमित पाणीपुरवठा करण्यात यावा, या भागातील भटक्या कुत्र्यांचा बंदोबस्त करावा, पथदिवे सुरू करावेत या मागण्यांसाठी कार्यकर्त्यांनी निदर्शने केली. या आंदोलनाचे नेतृत्व भारतीय कम्युनिस्ट पक्षाचे शाखा सचिव अॅड. अभय टाकसाळ यांनी केले. यावेळी उज्ज्वला नरवडे, पुष्पाबाई निरारे, सरलाबाई म्हस्के, नीता खरात, शशिकला प्रधान, कमलाबाई किर्तीशाही, सुनिता प्रधान, सुनिता होर्शिळ आदी कार्यकर्ते सहभागी झाले होते.