मिस्बाह कॉलनीत लोबंकळल्या वीजतारा

पडेगाव : येथील मिस्बाह कॉलनीतील डीपीजवळील विजेच्या तारा मुख्य रस्त्यावर लोंबकळत असल्यामुळे अपघात होण्याची दाट शक्यता आहे. येथून जवळच सरोश हायस्कूल असल्याने वाहनांना तारा अडकरण्याची भीती आहे.
सरोश हायस्कूलमध्ये सुमारे दोन हजार विद्यार्थी शिक्षण घेतात. या रस्त्यावरून स्कूलबस, अॉटोरिक्षा प्रवास करतात. त्यामुळे तारा ओढून घेण्याची मागणी करण्यात येत आहे. याबद्दल महावितरणला वेळोवेळी फोन करून व लेखी निवेदने देऊन सुद्धा कोणतीच कारवाई झाली नसल्याचा आरोप जेष्ठ नागरिक ए. बी. खान यांनी केला. येथील तारा ओढून घेऊन नागरिकांची भीती दूर करावी, अशी मागणी आहे. या शिवाय या भागात कमी दाबाने वीजपुरवाठा होत असल्याने घरातील इलेक्ट्रिक उपकरणे वापरता येत नाहीत, अशी नागरिकांची तक्रार आहे.