म. टा. प्रतिनिधी, औरंगाबाद
जमीन संपादनापोटी रेल्वेला चुकीच्या नावाने दिलेला धनादेश महापालिकेने अद्याप दुरुस्त करून दिला नाही. यामुळे रस्त्यासाठी जमीन संपादनाच्या प्रक्रियेला उशीर होण्याची शक्यता आहे.
महापालिकेतर्फे क्रांतिचौक ते रेल्वे स्टेशन या रस्त्याचे रुंदीकरण करण्यात आले आहे. परंतु, रस्ता रुंदीकरणात रेल्वेची जागा येत असल्याने रुंदीकरणा पूर्ण झालेले नाही. रस्ता रुंदीकरणासाठी रेल्वेची जागा विनामोबदला मिळावी यासाठी खासदारा चंद्रकांत खैरे यांनी प्रयत्न केले, त्याला अपयश आल्यानंतर मालमत्ता कर थकबाकीच्या रकमेतून जमीन द्यावी, असा प्रस्ताव ठेवला. रेल्वे मंत्र्यांपर्यंत प्रयत्न करूनही हे प्रयत्न यशस्वी झाले नाहीत. अखेर दक्षिण मध्य रेल्वे महाव्यवस्थापक रवींद्र गुप्ता यांनी या प्रकरणात जमिनीच्या दरानुसार पैसे देण्याबाबत विनंती खासदारांना केली होती. महापालिकेने पुढाकार घेऊन रेल्वे विभागाला रक्कम देऊन बाळासाहेब ठाकरे मार्गासोबतच पैठणकडे जाणाऱ्या रेल्वे उड्डाणपूलाच्या बाजुची जागा सुद्धा संपादित करण्याचा निर्णय घेतला आहे.
दुसऱ्याच नावे धनादेश
पालिकेने चार दिवसांपूर्वी साडेतीन कोटी रुपयांचा धनादेश ‘नांदेड रेल्वे विभागीय व्यवस्थापक’ या नावे दिला आहे. पण, या नावाचा धनादेश स्वीकारला जात नाही, असे सांगून तो परत करण्यात आला. हा धनादेश ‘विभागीय वित्त व्यवस्थापक’ या नावे द्यावा, असे पालिकेला कळवण्यात आले आहे. पण पालिकेतर्फे दुरुस्त धनादेश अद्याप देण्यात आलेला नाही.
महापालिकेकडून दुरुस्त धनादेश मिळून तो वटताच भूसंपादनाची प्रक्रिया सुरू करू. जागा मोजून दिल्यानंतर रेल्वे स्टेशनची संरक्षक भिंत बांधण्यात येणार आहे. पालिकेने लवकर कारवाई केल्यास रेल्वेला सुद्धा त्वरित निर्णय घेता येईल.
-अखिलेश सिन्हा, डीआरएम
जमीन संपादनापोटी रेल्वेला चुकीच्या नावाने दिलेला धनादेश महापालिकेने अद्याप दुरुस्त करून दिला नाही. यामुळे रस्त्यासाठी जमीन संपादनाच्या प्रक्रियेला उशीर होण्याची शक्यता आहे.
महापालिकेतर्फे क्रांतिचौक ते रेल्वे स्टेशन या रस्त्याचे रुंदीकरण करण्यात आले आहे. परंतु, रस्ता रुंदीकरणात रेल्वेची जागा येत असल्याने रुंदीकरणा पूर्ण झालेले नाही. रस्ता रुंदीकरणासाठी रेल्वेची जागा विनामोबदला मिळावी यासाठी खासदारा चंद्रकांत खैरे यांनी प्रयत्न केले, त्याला अपयश आल्यानंतर मालमत्ता कर थकबाकीच्या रकमेतून जमीन द्यावी, असा प्रस्ताव ठेवला. रेल्वे मंत्र्यांपर्यंत प्रयत्न करूनही हे प्रयत्न यशस्वी झाले नाहीत. अखेर दक्षिण मध्य रेल्वे महाव्यवस्थापक रवींद्र गुप्ता यांनी या प्रकरणात जमिनीच्या दरानुसार पैसे देण्याबाबत विनंती खासदारांना केली होती. महापालिकेने पुढाकार घेऊन रेल्वे विभागाला रक्कम देऊन बाळासाहेब ठाकरे मार्गासोबतच पैठणकडे जाणाऱ्या रेल्वे उड्डाणपूलाच्या बाजुची जागा सुद्धा संपादित करण्याचा निर्णय घेतला आहे.
दुसऱ्याच नावे धनादेश
पालिकेने चार दिवसांपूर्वी साडेतीन कोटी रुपयांचा धनादेश ‘नांदेड रेल्वे विभागीय व्यवस्थापक’ या नावे दिला आहे. पण, या नावाचा धनादेश स्वीकारला जात नाही, असे सांगून तो परत करण्यात आला. हा धनादेश ‘विभागीय वित्त व्यवस्थापक’ या नावे द्यावा, असे पालिकेला कळवण्यात आले आहे. पण पालिकेतर्फे दुरुस्त धनादेश अद्याप देण्यात आलेला नाही.
महापालिकेकडून दुरुस्त धनादेश मिळून तो वटताच भूसंपादनाची प्रक्रिया सुरू करू. जागा मोजून दिल्यानंतर रेल्वे स्टेशनची संरक्षक भिंत बांधण्यात येणार आहे. पालिकेने लवकर कारवाई केल्यास रेल्वेला सुद्धा त्वरित निर्णय घेता येईल.
-अखिलेश सिन्हा, डीआरएम