म. टा. प्रतिनिधी, औरंगाबाद
दोन दिवस अमावस्या आल्याने पोळा कधी साजरा करावा याबद्दल संभ्रम असल्याने जिल्ह्यातील अनेक गावांत बुधवारी पोळा साजरा करण्यात आला. ज्या गावात पोळा गुरुवारी साजरा होणार आहे, तेते बुधवारी खांदेमळणी करून बैलांची पूजा करण्यात आली.
दर्श पिठोरी अमावस्या प्रारंभ बुधवारी दुपारी दोन वाजून ३ मिनिटांनी झाला असून अमावस्या समाप्ती गुरुवारी दुपारी २ वाजून ३२ मिनिटांनी होणार आहे. अशी परिस्थिती १५ वर्षांपूर्वी निर्माण झाली होती, अशी आठवण काही जणांनी सांगितले.
पोळ्याचा उत्साह
फुलंब्री ः तालुक्यात बुधवारी बाबरा, पिरबावडा, बोरगाव अर्ज, जळगाव मेटे, शिरोडी खुर्द, चिंचोली बुद्रुक, रांजणगाव, शेलगाव,आडगाव, आळंद, उमरावती, जातवा, नायगव्हाण, नरला, खामगाव, यासह अनेक गावात बैलपोळा मोठ्या उत्साहात साजरा करण्यात आला. ठिकठिकाणी मारुती मंदिरासह, ग्रामदेवतांचे दर्शन घेऊन सर्जा राजाची वाजत-गाजत मिरवणूक काढण्यात आली. विविध प्रकारे बैलांच्या सजावटी करण्यात आल्या होत्या. बुधवारी दुपारी पाऊस झाल्याने शेतकऱ्यांचा उत्साह दुणावला.
पावसाची प्रतीक्षा
कन्नड ः कन्नड तालुक्यातील काही गावांत बुधवारी पोळा साजरा करण्यात आला. यंदा एक महिन्यापासून पावसाने दडी मारल्यामुळे पावसाची प्रतीक्षा करत पोळ्याचा सण साजरा करण्यात आला.
वैजापुरात साजरा
वैजापूर ः शहर व तालुक्यात बुधवारी पोळा मोठ्या उत्साहात साजरा करण्यात आला. दुष्काळाची पर्वा न करता बळीराजाने पोळ्याची जय्यत तयारी केली होती. पोळा बुधवारी साजरा करायचा कि गुरुवारी याबाबत शेतकऱ्यांमध्ये संभ्रमाचे वातावरण होते. मात्र, बुधवारी अमावस्या लागल्याने पोळा बुधवारी साजरा करण्यात आला. वैजापूर शहर व परिसरातील शेतकऱ्यांनी बैलजोडीला सजवून सायंकाळी शहरात ग्रामदैवत हनुमान मंदिरात दर्शन घेतले व बैलांची वाजत गाजत मिरवणूक काढली. सजवलेल्या बैलांना पाहण्यासाठी नागरिकांनी मंदिराजवळ गर्दी केली होती. यावेळी मंदिराचे पुजारी चंद्रकांत कुलकर्णी यांनी बैलांचे पूजन करुन नैवेद्य दिला. ग्रामीण भागातसुद्धा शेतकऱ्यांनी पोळ्याचा सण मोठ्या उत्साहात व आनंदात साजरा केला.
दोन दिवस अमावस्या आल्याने पोळा कधी साजरा करावा याबद्दल संभ्रम असल्याने जिल्ह्यातील अनेक गावांत बुधवारी पोळा साजरा करण्यात आला. ज्या गावात पोळा गुरुवारी साजरा होणार आहे, तेते बुधवारी खांदेमळणी करून बैलांची पूजा करण्यात आली.
दर्श पिठोरी अमावस्या प्रारंभ बुधवारी दुपारी दोन वाजून ३ मिनिटांनी झाला असून अमावस्या समाप्ती गुरुवारी दुपारी २ वाजून ३२ मिनिटांनी होणार आहे. अशी परिस्थिती १५ वर्षांपूर्वी निर्माण झाली होती, अशी आठवण काही जणांनी सांगितले.
पोळ्याचा उत्साह
फुलंब्री ः तालुक्यात बुधवारी बाबरा, पिरबावडा, बोरगाव अर्ज, जळगाव मेटे, शिरोडी खुर्द, चिंचोली बुद्रुक, रांजणगाव, शेलगाव,आडगाव, आळंद, उमरावती, जातवा, नायगव्हाण, नरला, खामगाव, यासह अनेक गावात बैलपोळा मोठ्या उत्साहात साजरा करण्यात आला. ठिकठिकाणी मारुती मंदिरासह, ग्रामदेवतांचे दर्शन घेऊन सर्जा राजाची वाजत-गाजत मिरवणूक काढण्यात आली. विविध प्रकारे बैलांच्या सजावटी करण्यात आल्या होत्या. बुधवारी दुपारी पाऊस झाल्याने शेतकऱ्यांचा उत्साह दुणावला.
पावसाची प्रतीक्षा
कन्नड ः कन्नड तालुक्यातील काही गावांत बुधवारी पोळा साजरा करण्यात आला. यंदा एक महिन्यापासून पावसाने दडी मारल्यामुळे पावसाची प्रतीक्षा करत पोळ्याचा सण साजरा करण्यात आला.
वैजापुरात साजरा
वैजापूर ः शहर व तालुक्यात बुधवारी पोळा मोठ्या उत्साहात साजरा करण्यात आला. दुष्काळाची पर्वा न करता बळीराजाने पोळ्याची जय्यत तयारी केली होती. पोळा बुधवारी साजरा करायचा कि गुरुवारी याबाबत शेतकऱ्यांमध्ये संभ्रमाचे वातावरण होते. मात्र, बुधवारी अमावस्या लागल्याने पोळा बुधवारी साजरा करण्यात आला. वैजापूर शहर व परिसरातील शेतकऱ्यांनी बैलजोडीला सजवून सायंकाळी शहरात ग्रामदैवत हनुमान मंदिरात दर्शन घेतले व बैलांची वाजत गाजत मिरवणूक काढली. सजवलेल्या बैलांना पाहण्यासाठी नागरिकांनी मंदिराजवळ गर्दी केली होती. यावेळी मंदिराचे पुजारी चंद्रकांत कुलकर्णी यांनी बैलांचे पूजन करुन नैवेद्य दिला. ग्रामीण भागातसुद्धा शेतकऱ्यांनी पोळ्याचा सण मोठ्या उत्साहात व आनंदात साजरा केला.