म. टा. प्रतिनिधी, सातारा
सातारा वॉर्ड कार्यालयाकडे जाणाऱ्या रस्त्यावर मोठा खड्डा पडल्यामुळे तेथून जाणारे दुचाकीधारक घसरून पडण्याचे प्रकार वाढले आहेत. वॉर्ड कार्यालयाकडे जाणारा रस्ता असूनही त्याकडे प्रशासनाचे दुर्लक्ष आहे.
सातारा गावात जाण्यासाठी पुलाच्या बाजूने रस्ता आहे. परंतु, त्याचे काम अद्याप झालेले नाही. सार्वजनिक बांधकाम विभागाने माती व मुरूम टाकून भर टाकलेली आहे. परंतु, डांबरीकरण झालेले नसल्यामुळे पाऊस आला किंवा त्यावर पाणी आले की दलदल व चिखल होते. त्यामुळे दोन दिवसांपूर्वी रिक्षा उलटली होती. हे प्रकार वारंवार घडत आहेत. गावकऱ्यांना गावात जाण्यासाठी दुसरा मार्ग म्हणजे सातारा वॉर्ड कार्यालयाकडे जाणारा रस्ता. या सिमेंट रस्त्यावर मोठा खड्डा पडला असून, तेथून जाताना दुचाकीधारक पडण्याच्या घटना होत आहेत. हा रस्ता अनेक ठिकाणी खोदून ठेवला आहे. शिवाय याच रस्त्यावर जिल्हा परिषद शाळा असल्यामुळे विद्यार्थी, शिक्षकांची ये-जा असते. महानगरपालिकेच्या अधिकारी, कर्मचाऱ्यांना याच मार्गाने कार्यालयात जावे लागते. तरीसुद्धा रस्त्याच्या खड्ड्याकडे प्रशासनाचे दुर्लक्ष आहे. सध्या रस्त्यावर मुरूम टाकण्याचे काम सुरू असल्यामुळे हा खड्डा बुजवण्याची मागणी कृष्णा सरगर, शेख जिया यांनी केली आहे.
सातारा वॉर्ड कार्यालयाकडे जाणाऱ्या रस्त्यावर मोठा खड्डा पडल्यामुळे तेथून जाणारे दुचाकीधारक घसरून पडण्याचे प्रकार वाढले आहेत. वॉर्ड कार्यालयाकडे जाणारा रस्ता असूनही त्याकडे प्रशासनाचे दुर्लक्ष आहे.
सातारा गावात जाण्यासाठी पुलाच्या बाजूने रस्ता आहे. परंतु, त्याचे काम अद्याप झालेले नाही. सार्वजनिक बांधकाम विभागाने माती व मुरूम टाकून भर टाकलेली आहे. परंतु, डांबरीकरण झालेले नसल्यामुळे पाऊस आला किंवा त्यावर पाणी आले की दलदल व चिखल होते. त्यामुळे दोन दिवसांपूर्वी रिक्षा उलटली होती. हे प्रकार वारंवार घडत आहेत. गावकऱ्यांना गावात जाण्यासाठी दुसरा मार्ग म्हणजे सातारा वॉर्ड कार्यालयाकडे जाणारा रस्ता. या सिमेंट रस्त्यावर मोठा खड्डा पडला असून, तेथून जाताना दुचाकीधारक पडण्याच्या घटना होत आहेत. हा रस्ता अनेक ठिकाणी खोदून ठेवला आहे. शिवाय याच रस्त्यावर जिल्हा परिषद शाळा असल्यामुळे विद्यार्थी, शिक्षकांची ये-जा असते. महानगरपालिकेच्या अधिकारी, कर्मचाऱ्यांना याच मार्गाने कार्यालयात जावे लागते. तरीसुद्धा रस्त्याच्या खड्ड्याकडे प्रशासनाचे दुर्लक्ष आहे. सध्या रस्त्यावर मुरूम टाकण्याचे काम सुरू असल्यामुळे हा खड्डा बुजवण्याची मागणी कृष्णा सरगर, शेख जिया यांनी केली आहे.