सोयगाव पंचायत समितीमध्ये काँग्रेसने सहापैकी तीन जागांवर विजय मिळवला आहे. पण, सभापतिपद मिळवण्यासाठी आणखी एका सदस्याची गरज आहे. त्याचवेळी भाजपला सभापतिपदाकरिता आणखी दोन सदस्यांची तजवीज करावी लागणार आहे. त्यामुळे पंचायत समिती सभापतिपदावर कोणाची वर्णी लागणार याकडे तालुक्याचे लक्ष लागले आहे.
सोयगाव पंचायत समितीचे सभापतिपद ओबीसीसाठी राखीव आहे. काँग्रेसचे सावळदबारा गणाचे सदस्य धरमसिंग चव्हाण व भाजपचे आमखेडा गणाचे सदस्य संजीवन सोनवणे यांना आरक्षणानुसार सभापतिपदाची संधी आहे. आमखेडा गणातील पंचायत समिती सदस्य हे जरंडी येथील आहेत. दहा वर्षाच्या कालखंडानंतर जरंडीला पंचायत समिती सदस्यपद मिळाले आहे. परंतु, भाजपला सभापतिपद मिळवण्यासाठी आणखी दोन जागांची गरज आहे. जिल्ह्याच्या राजकारणात भाजप-शिवसेना युती झाल्यास शिवसेनेचा एक सदस्य भाजपकडे येईल. त्यानंतरही एक सदस्य मिळवण्याची चिंता राहणार आहे. काँग्रेस व शिवसेनेशी युती झाल्यास शिवसेनेचा उपसभापती होण्याची शक्यता वर्तविण्यात येत आहे. काँग्रेस किंवा भाजप कोणाबरोबरही गेल्यास शिवसेनेला उपसभापतिपद मिळू शकते, अशी चर्चा आहे.
सोयगाव पंचायत समितीचे सभापतिपद ओबीसीसाठी राखीव आहे. काँग्रेसचे सावळदबारा गणाचे सदस्य धरमसिंग चव्हाण व भाजपचे आमखेडा गणाचे सदस्य संजीवन सोनवणे यांना आरक्षणानुसार सभापतिपदाची संधी आहे. आमखेडा गणातील पंचायत समिती सदस्य हे जरंडी येथील आहेत. दहा वर्षाच्या कालखंडानंतर जरंडीला पंचायत समिती सदस्यपद मिळाले आहे. परंतु, भाजपला सभापतिपद मिळवण्यासाठी आणखी दोन जागांची गरज आहे. जिल्ह्याच्या राजकारणात भाजप-शिवसेना युती झाल्यास शिवसेनेचा एक सदस्य भाजपकडे येईल. त्यानंतरही एक सदस्य मिळवण्याची चिंता राहणार आहे. काँग्रेस व शिवसेनेशी युती झाल्यास शिवसेनेचा उपसभापती होण्याची शक्यता वर्तविण्यात येत आहे. काँग्रेस किंवा भाजप कोणाबरोबरही गेल्यास शिवसेनेला उपसभापतिपद मिळू शकते, अशी चर्चा आहे.