म. टा. प्रतिनिधी, औरंगाबाद
डॉ. हेडगेवार रुग्णालयाच्या ‘डॉ. बाबासाहेब आंबेडकर वैद्यकीय प्रतिष्ठान’चे पूर्वोत्तर आसाममध्ये १०० खाटांचे हॉस्पिटल सुरू होणार आहे. यासंबंधी प्रतिष्ठान व ‘ओएनजीसी’ या सार्वजनिक क्षेत्रातील सर्वांत मोठ्या कंपनीसोबत नुकताच करार झाला आहे. येत्या दोन वर्षांत हॉस्पिटल उभे राहणार असून, हा देशातील सर्वांत मोठा सीएसआर प्रकल्प असणार आहे. टप्प्याटप्प्याने ३०० खाटांचे हॉस्पिटल साकारले जाईल. हा प्रकल्प ३१३ कोटींचा असेल, अशी माहिती शुक्रवारी पत्रकार परिषदेत माहिती देण्यात आली.
‘ओएनजीसी’ने डॉ. हेडगेवार रुग्णालयाची सविस्तर पाहणी करून हा निर्णय घेतला आहे आणि संपूर्ण प्रकल्प उभारणीचा खर्च ‘ओएनजीसी’मार्फत होणार आहे. आसाममधील अत्यल्प व अतिशय महागड्या वैद्यकीय सोयी-सुविधांच्या पार्श्वभूमीवर देशसेवेची संधी म्हणून हा प्रकल्प हाती घेण्यात आला आहे. यातील पहिला टप्पा १०० खाटांचा असून, त्यासाठी ९९ कोटींचा निधी अपेक्षित आहे. २०१९ मध्ये हॉस्पिटल सुरू होण्याचे नियोजन करण्यात आले आहे. ना नफा ना तोटा या तत्वावर हे हॉस्पिटल चालविण्यात येईल व नफा झाल्यास आसाममध्ये सामाजिक व वैद्यकीय उपक्रम राबविण्यात येणार आहेत आणि तसे लेखी पत्र ‘ओएनजीसी’ला देण्यात आले आहे. सुरुवातीच्या टप्प्यात अत्यंत वाजवी शुल्कात सर्व मूलभूत वैद्यकीय सोयी-सुविधा, त्यानंतर हळू-हळू अत्याधुनिक-अद्ययावत सोयी-सुविधा देण्यात येणार आहेत. शिबसागर शहराजवळील ५० एकर जागेवर हा प्रकल्प उभा राहणार आहे व प्रमुख जबाबदारी डॉ. महेंद्रसिंह चौहान यांच्यावर सोपवण्यात आली आहे. या प्रकल्पाच्या समितीमध्ये डॉ. अनंत पंढरे, डॉ. अश्विनीकुमनार तुपकरी, डॉ. मंजुषा कुलकर्णी यांचा समावेश आहे. या प्रकल्पात सेवा देऊ इच्छिणाऱ्या डॉक्टर, परिचारिका, तंत्रज्ञ, व्यवस्थापनतज्ज्ञांनी संपर्क साधावा, असे आवाहनही प्रतिष्ठानचे अध्यक्ष अनिल भालेराव, मुख्य कार्यकारी अधिकारी डॉ. तुपकरी, वैद्यकीय अधीक्षक डॉ. पंढरे, डॉ. कुलकर्णी, डॉ. वैशाली खडके, डॉ. विकास रत्नपारखे, डॉ. प्रतिभा फाटक यांनी पत्रकार परिषदेत केले.
डॉ. हेडगेवार रुग्णालयाच्या ‘डॉ. बाबासाहेब आंबेडकर वैद्यकीय प्रतिष्ठान’चे पूर्वोत्तर आसाममध्ये १०० खाटांचे हॉस्पिटल सुरू होणार आहे. यासंबंधी प्रतिष्ठान व ‘ओएनजीसी’ या सार्वजनिक क्षेत्रातील सर्वांत मोठ्या कंपनीसोबत नुकताच करार झाला आहे. येत्या दोन वर्षांत हॉस्पिटल उभे राहणार असून, हा देशातील सर्वांत मोठा सीएसआर प्रकल्प असणार आहे. टप्प्याटप्प्याने ३०० खाटांचे हॉस्पिटल साकारले जाईल. हा प्रकल्प ३१३ कोटींचा असेल, अशी माहिती शुक्रवारी पत्रकार परिषदेत माहिती देण्यात आली.
‘ओएनजीसी’ने डॉ. हेडगेवार रुग्णालयाची सविस्तर पाहणी करून हा निर्णय घेतला आहे आणि संपूर्ण प्रकल्प उभारणीचा खर्च ‘ओएनजीसी’मार्फत होणार आहे. आसाममधील अत्यल्प व अतिशय महागड्या वैद्यकीय सोयी-सुविधांच्या पार्श्वभूमीवर देशसेवेची संधी म्हणून हा प्रकल्प हाती घेण्यात आला आहे. यातील पहिला टप्पा १०० खाटांचा असून, त्यासाठी ९९ कोटींचा निधी अपेक्षित आहे. २०१९ मध्ये हॉस्पिटल सुरू होण्याचे नियोजन करण्यात आले आहे. ना नफा ना तोटा या तत्वावर हे हॉस्पिटल चालविण्यात येईल व नफा झाल्यास आसाममध्ये सामाजिक व वैद्यकीय उपक्रम राबविण्यात येणार आहेत आणि तसे लेखी पत्र ‘ओएनजीसी’ला देण्यात आले आहे. सुरुवातीच्या टप्प्यात अत्यंत वाजवी शुल्कात सर्व मूलभूत वैद्यकीय सोयी-सुविधा, त्यानंतर हळू-हळू अत्याधुनिक-अद्ययावत सोयी-सुविधा देण्यात येणार आहेत. शिबसागर शहराजवळील ५० एकर जागेवर हा प्रकल्प उभा राहणार आहे व प्रमुख जबाबदारी डॉ. महेंद्रसिंह चौहान यांच्यावर सोपवण्यात आली आहे. या प्रकल्पाच्या समितीमध्ये डॉ. अनंत पंढरे, डॉ. अश्विनीकुमनार तुपकरी, डॉ. मंजुषा कुलकर्णी यांचा समावेश आहे. या प्रकल्पात सेवा देऊ इच्छिणाऱ्या डॉक्टर, परिचारिका, तंत्रज्ञ, व्यवस्थापनतज्ज्ञांनी संपर्क साधावा, असे आवाहनही प्रतिष्ठानचे अध्यक्ष अनिल भालेराव, मुख्य कार्यकारी अधिकारी डॉ. तुपकरी, वैद्यकीय अधीक्षक डॉ. पंढरे, डॉ. कुलकर्णी, डॉ. वैशाली खडके, डॉ. विकास रत्नपारखे, डॉ. प्रतिभा फाटक यांनी पत्रकार परिषदेत केले.