म. टा. प्रतिनिधी, सिल्लोड
तालुक्यातील डोंगरगांव येथे ताप येणे, घशात खवखवने, श्वास घेण्यास त्रास होणे ही लक्षणे असलेले दोन रुग्ण सापडले. त्यांना औरंगाबाद येथील एम. आय. टी. हॉस्पिटलमध्ये उपचारासाठी दाखल करण्यात आले आहे. दरम्यान, गावात स्वाइन फ्ल्यू लागण झाल्याच चर्चा सुरू झाल्याने आमदार अब्दुल सत्तार यांच्या सूचनेनुसार वैद्यकीय पथकाने गुरुवारी डोंगरगावात ४५ जणांची तपासणी केली.
डोंगरगांव येथे रुग्णांना ताप येणे, घशात दुखने, सर्दी व श्वास घेण्यास त्रास होत असल्याच्या आजारांचे रुग्ण वाढत असल्याची माहिती आमदार सत्तार यांना मिळाली होती. शिवाय दोन जण औरंगाबाद येथे उपचार घेत असल्याने खबरदारीचा उपाय म्हणून आरोग्य विभागाने तपासणी करण्याच्या सूचना त्यांनी दिल्या. त्यानुसार पथकाने गुरुवारी घरोघरी जावून ४५ जणांची तपासणी केली. त्यांना एक रुग्ण या आजाराचा आढळला नाही, अशी माहिती वैद्यकीय अधिकारी सय्यद अजहर यांनी दिली. डोंगरगांव दोन महिलांना यापूर्वीच औरंगाबाद येथे पुढील उपचारासाठी दाखल करण्यात आले आहे. त्यांची तपासणी झाली असून त्यांचा अहवाल आलेला नाही, असे आरोग्य पर्यवेक्षक प्रकाशराव बिरारे यांनी सांगितले. नागरिकांनी घाबरून न जाता डॉक्टरांनी दिलेल्या सूचनेने उपचार घ्यावा, असे आवाहन आमदार सत्तार यांनी केले आहे.
यावेळी सिल्लोडचे नगराध्यक्ष अब्दुल समीर, माजी पंचायत समिती सदस्य निजाम खान पठाण, नगर पालिकेचे बांधकाम सभापती विठ्ठल सपकाळ, रुग्ण कल्याण सेवा समितीचे सदस्य मोहम्मद हनीफ, माजी सरपंच उमर खान पठाण, पालोद येथील वैद्यकीय अधिकारी डॉ. सय्यद अजहर, तालुका आरोग्य पर्यवेक्षक प्रकाशराव बिरारे, आरोग्य सेवक भानुदास खोकडे, आरोग्य सेविका वंदना हासे, अब्दुल करीम कुरेशी, फईम पठाण, सत्तार हुसेन, जलील पठाण व आशा सेविकांची उपस्थिती होती.
दोन दिवस मुक्काम
हे पथक डोंगरगावात दोन दिवस राहणार आहे. त्यांच्याकडून उर्वरित रुग्णाची तपासणी करण्यात येणार आहे, असे डॉ. सय्यद अजहर यांनी सांगितले.
तालुक्यातील डोंगरगांव येथे ताप येणे, घशात खवखवने, श्वास घेण्यास त्रास होणे ही लक्षणे असलेले दोन रुग्ण सापडले. त्यांना औरंगाबाद येथील एम. आय. टी. हॉस्पिटलमध्ये उपचारासाठी दाखल करण्यात आले आहे. दरम्यान, गावात स्वाइन फ्ल्यू लागण झाल्याच चर्चा सुरू झाल्याने आमदार अब्दुल सत्तार यांच्या सूचनेनुसार वैद्यकीय पथकाने गुरुवारी डोंगरगावात ४५ जणांची तपासणी केली.
डोंगरगांव येथे रुग्णांना ताप येणे, घशात दुखने, सर्दी व श्वास घेण्यास त्रास होत असल्याच्या आजारांचे रुग्ण वाढत असल्याची माहिती आमदार सत्तार यांना मिळाली होती. शिवाय दोन जण औरंगाबाद येथे उपचार घेत असल्याने खबरदारीचा उपाय म्हणून आरोग्य विभागाने तपासणी करण्याच्या सूचना त्यांनी दिल्या. त्यानुसार पथकाने गुरुवारी घरोघरी जावून ४५ जणांची तपासणी केली. त्यांना एक रुग्ण या आजाराचा आढळला नाही, अशी माहिती वैद्यकीय अधिकारी सय्यद अजहर यांनी दिली. डोंगरगांव दोन महिलांना यापूर्वीच औरंगाबाद येथे पुढील उपचारासाठी दाखल करण्यात आले आहे. त्यांची तपासणी झाली असून त्यांचा अहवाल आलेला नाही, असे आरोग्य पर्यवेक्षक प्रकाशराव बिरारे यांनी सांगितले. नागरिकांनी घाबरून न जाता डॉक्टरांनी दिलेल्या सूचनेने उपचार घ्यावा, असे आवाहन आमदार सत्तार यांनी केले आहे.
यावेळी सिल्लोडचे नगराध्यक्ष अब्दुल समीर, माजी पंचायत समिती सदस्य निजाम खान पठाण, नगर पालिकेचे बांधकाम सभापती विठ्ठल सपकाळ, रुग्ण कल्याण सेवा समितीचे सदस्य मोहम्मद हनीफ, माजी सरपंच उमर खान पठाण, पालोद येथील वैद्यकीय अधिकारी डॉ. सय्यद अजहर, तालुका आरोग्य पर्यवेक्षक प्रकाशराव बिरारे, आरोग्य सेवक भानुदास खोकडे, आरोग्य सेविका वंदना हासे, अब्दुल करीम कुरेशी, फईम पठाण, सत्तार हुसेन, जलील पठाण व आशा सेविकांची उपस्थिती होती.
दोन दिवस मुक्काम
हे पथक डोंगरगावात दोन दिवस राहणार आहे. त्यांच्याकडून उर्वरित रुग्णाची तपासणी करण्यात येणार आहे, असे डॉ. सय्यद अजहर यांनी सांगितले.